[retour à un affichage normal]

Mazarinade n° C_9_81

Image de la page

Anonyme [1649], LE RETOVR ET ACHEMINEMENT DV ROY PRES DE PARIS. , françaisRéférence RIM : M0_3532. Cote locale : C_9_81.

sont pas blasmables, ce sont autant de marques de
son amour, & de sa fidelité ; c’est vn amant qui soûpire
pour l’objet aymé, dont l’absence luy est insupportable,
il s’en prend au Ciel & à la terre, &
n’escoute rien que sa passion : mais aussi comme
vn amant apres auoir esté informé de sa Maistresse
des iustes raisons de son absence, seroit blasmable
de la condamner, & mesme de s’en plaindre, à cause
de ce grand respect qu’il luy doit : de mesme le
Peuple de Paris ayant receu ces marques de la bonté
du Roy, qui daigna escrire, à Messieurs le Preuost
& Escheuins le subiect de son voyage en Picardie :
eust esté blâmable s’il eut murmuré : il luy sied bien
de souhaitter auec des inquietudes estranges, la
presence de son Prince, mais il luy sieroit mal de
s’en plaindre, & d’attribuer à la cholere du Roy ou
de la Reyne, ce qui se doit attribuer à la necessité de
leurs affaires. Non, il ne faut pas s’imaginer que les
Roys & les Reynes soient subiets à toutes les passions
des personnes ordinaires : sans doute ils en sont
capables par nature, mais ils en sont preseruez par
grace, Dieu qui les a choisis pour estre ses images
en terre, ne permet que rarement qu’ils tombent
dans nos imperfections.
 
La pluspart attribuoient l’absence du Roy au
ressentiment des troubles passez, comme si les autres
Campagnes il ne s’estoit pas auancé vers la
frontiere, & comme si le Roy son Pere, qui n’auoit
iamais veu de remuëment à Paris, n’auoit pas