[retour à un affichage normal]

Mazarinade n° B_4_10

Image de la page

Anonyme [1652], LE PROPHETE VERITABLE DE MESSIEVRS DE PARIS, ENVOYÉE A LA REYNE, SVR LEVRS DERNIERES resolutions. , françaisRéférence RIM : M0_2908. Cote locale : B_4_10.

ruine & totale destruction de l’Estat : Vos iours sont
contez, vostre pouuoir va prendre fin, & vous ne
sçauriez où vous retirer, parce que l’Estre des Astres est
courroucé. Vostre orgueil sera confus, & vous ne
sçaurez que trop tard, ce que c’est d’humilités. Tous
les aduertissemens que l’on vous a donnez, ont passez
deuant vos yeux pour sables ; mais voicy les iours arririuez
que vous les prendrez pour des veritez : Le temps
des malheurs & tribulations veut tirer à sa fin, & vous
ne le voulés pas ? Vostre plus grand plaisir est de voir
espandre vne Mer sang innocent, & Dieu commence
à ce lasser de telles iniquitez & abominations ; il ne veut
plus que son peuple souffre & vous le voulez : Il luy
veut donner la Paix, & vous l’empéchés : il veut que l’on
extermine l’Autheur des troubles & vous le soustenez :
Vous semble-t’il peu de chose d’attirer l’ire de Dieu &
du peuple ; voulez-vous estre semblable à cette destructrice
des nations, representée en l’Apocalypse, ou
bien cette ennemie des gens de bien, Iezabel ; faut-il
que vous soyez cause de vostre propre mal’heur. N’auez-vous
pas le pouuoir de rejetter tant de conseils que
l’on vous donne ; Quoy ! voulez-vous perdre le Royaume
& nostre Roy ; N’auez-vous pas de honte, lors
que l’on vous couchera dans l’Histoire, pour vne desolatrice,
& non pas subernatrice des François ? Il est
temps que vous songiez à ses choses, le mal est en sa
plus forte cryse ; & le Medecin ne trouue plus de remedes