EXTRAICT DV CONTRACT PASSÉ
le cinquiesme Auril 1598. pardeuant Guillot & Lorry Notaires
Royaux à Angers. Entre tres Haut, tres Puissant & tres
Magnanime Prince HENRY par la grace de Dieu Roy de
France & de Nauarre, d’vne part : Et Haut & Puissant
Prince Philippes Emanuel de Lorraine, Duc de Mercœur &
de Ponthieure, Pair de France, Prince du Sainct Empire, & de
Martigues. Et Haute & Puissante Dame, Madame Marie
de Luxembourg son Espouse, d’autre ; en la presence des Princes
soussignez, & Parens y denommez : Pour le futur Mariage de
Cesar Monsieur, Duc de Vandosme, Fils Naturel de sa Majesté,
Auec Damoiselle Françoise de Lorraine, Fille desdits Sieur
& Dame, Duc & Duchesse de Mercœur ; ledit Sieur Duc de
Vandosme legitimé & rendu capable de tous honneurs & bienfaits,
par Lettres Patentes de sa Majesté, verifiées au Parlement
& Chambre des Comptes.

AVSSI a esté presente à consentir à passer
les choses susdites, Haute & Puissante Dame,
Madame Gabrielle d’Estrées, Duchesse
de Beaufort, Mere dudit sieur Duc de
Vandosme, laquelle a dit qu’elle le tenoit
pour son vray & principal heritier, suiuant
les Lettres Patentes de sa Majesté, verifiées de son consentement
au Parlement & Chambre des Comptes à Paris ; &
pour luy rendre tout le tesmoignage qu’elle peur de son affection ;
luy a donné & donne en faueur dudit Mariage par
donation entre vifs, pur & irreuocable, le Duché de Beaufort,
membres, appartenances & dependances d’iceluy, &c.

-- 26 --