ARTICLE V.

Qui confidit in corde suo stultus est.

Hlerusalem, Hierusalem nouuelle qui en veut si fort à
ceux que Dieu t’enuoye auec des nouuelles de Paix &
des lettres de reconciliation, combien de fois a il voulu ramasser
& rallier par amour tes enfans rebelles comme vne
poulle ramasse ses petits poussins sous ses ailes, & ils n’ont pas
voulu ? Combien de fois ont-ils rebutté ceux par lesquels il
leur a fait parler d’accord ? Combien de fois se sont-ils opposez
au traicté de Paix dont il leur a fait faire la proposition ?
Combien d’inspirations ? Combien de moyens, & combien
d’occasions en ont-ils negligé, vous les desirez Chrestiens,

-- 10 --

vous les desirez, les iours viendront, & ie vous dis qu’ils
viennent, ausquels vous desirez la Paix que vous mesprisez
à cette heure. Vous la rebuttez maintenant, mais le temps
viendra que vous la reclamerez & que ne la pourrez plus obtenir.
Vous voulez de la guerre vous en voulez, mais assurez-vous
que vous en aurez tout vostre saoul. O la rigueur & la
fureur extréme que ce fleau de Dieu exercera sur vous ! i’en
tremble des ja pour vous, & ne puis enuisager qu’auec horreur
les horribles chastimens que vos diuorces, & massacres
attirent sur vos testes.

 

Regarde Chrestienté, regarde les autres Nations & apprens
de leurs malheurs, ceux dont ton Dieu te menace.
Regarde l’Angleterre, regarde l’Egypte, regarde la Palestine,
regarde l’Affrique, où en sont elles reduittes les pauures
nations ? où en est reduit tout l’Orient ? où tant de Prouinces
qui furent jadis si florissantes en saincteté ? qu’est ce maintenant
que la Grece ? qu’est ce plus que la Iudée ? qu’est-ce de
la pauure Hierusalem, & de tant d’autres Citez si renommées
en toute l’Antiquité ? qu’est deuenuë leur gloire, leur vertu,
leur magnificence, & leur splendeur ? où est maintenant tout
cela ? où leur ancienne religion ? où leur pieté ? où leur foy, où
le Dieu tout-puissant qui y estoit adoré ? où est-il qu’il n’y
fait plus de miracles ? las il s’en est retiré, & peut-estre pour
iamais. Pourquoy ? pource qu’estant vn Dieu de Paix & de
misericorde, il n’a pû demeurer plus long-temps parmy des
peuples lesquels estant tousiours en diuorces ne cessoient de
faire comme nous la guerre au Ciel, & à la terre. O pernicieuse,
ô fatale guerre.