Ou comme vne trouppe affamée
Donnoit sur la carpe assommée,
Et carpe alors comme ie croy
Fut bien surprise sur ma foy,
Et plus encore fut estonnée
Considerant sa destinée,
Dont le prodige est fort nouueau
Car ayant nagé dedans l’eau,
Elle voit pour lors qu’elle nage
Parmy le vin, car ce breuuage
Pour lors n’estoit point espargné
Tel boit qui ne l’a point gagné,
Si ce n’est en matoiserie
Ou par quelque supercherie,
Car ces Mouchards ne sçauent rien
Sinon que dupper nostre bien,
Et boire comme vn trou d’Esté
Nous ostant toute liberté ;
Ie haïs mesme plus que la haire
Sergent, Mouchard, & Commissaire,
Et cette racaille de gens
Records à haper diligens,
Tout le monde sçait leur coustume
Sans qu’on l’apprenne par ma plume,
Car ie sçay comme en mille endroits
Ces gens mettent souuent leurs doigts,
Et ce que ie trouue de pire
On trouue tousiours à redire,
Dedans les lieux où ces maudits
Qui ne vont iamais moins de dix
Ont mis le pié (chose funeste)
Ils font plus de mal que la peste,

page précédent(e)

page suivant(e)