Mais rengaignons cette satyre
Traçons autre sujet pour rire,
Ne sortons point du cabaret
Où l’odeur du haran soret,
(Car en ce iour la saincte Eglise
Deffend que sous la dent soit mise
Viande qu’on mange au gras Mardy)
Car ce iour fut vn Samedy,
Cette odeur dis-ie a fait merueilles
Charmé le né, non les oreilles
Qui par le son d’vn vieleur
Ont voulu prendre autre douceur,
Dans ce festin Dame Armonie
Leur fit gouster la melodie,
S’il est vray qu’à gens plein de vin
Ce plaisir qui tient du diuin ;
Puisse apporter quelques delices
Puis qu’ils n’ont point d’autres blandices,
Qu’à boite à doubles carillons
Aymans mieux n’auoir que haillons,
Pourueu que la bouteille trote
Pourueu que le Mouchard grignote :
Car souuent auec vne noix
Il boit des pintes plus de trois,
Toutefois le bon personnage
Y ioint quelque peu de fromage ;
Mais le banquet que ie décris
Fut vn banquet de fort haut prix,
Maint poisson fut mis sur la table
Dont la sausse estoit de lectable,
On y vid carpe à court boüillon
Et chacun comme vn tourbillon

Page précédent(e)

Page suivant(e)