Anonyme [1652], LE SYNDIC DV PEVPLE FRANÇOIS, ESLEV PAR MESSIEVRS LES BOVRGEOIS DE PARIS AV ROY. Luy representant les Intrigués, Fourberies, Carracteres & Magies, que le Cardinal Mazarin s’est seruy pour troubler l’Estat de tout son Royaume; Et comme il est indigne d’estre Ministre d’Estat, ny Cardinal. Auec vne representation de l’Estat François sous les Fauoris, à accomparer, tant du commancement du Reigne de Louys 13. que Dieu absolue, que du Reigne d’apresent. , françaisRéférence RIM : M0_3742. Cote locale : B_11_36.
-- 28 --
dõner de meilleurs aduis pour l’opression
du peuple, pourueu qu’il remplit sa bource
& celle du Mazarin, estoit bien venu dans
la Cour, d’vn Laquais, ou d’vn petit Clerc,
il estoit fait tout aussi tost honneste homme,
& dans vn bien peu de temps les Baronies
& les Comtez luy estoient acquises
à beau prix d’argent. La Noblesse suiuoit
bien-tost apres, & il s’entretenoit de tiltres
plus anciens que la Lune, & plus clairs
mille fois que le Soleil. Ce sont là les belles
administrations d’vn Ministre, dont l’esprit
est iudicieux, les pensées releuées dessus
les Estoiles & les paroles dignes d’estre
remarquées, témoin la comparaison des
Gans, aussi que s’ensuit-il de toutes ces
rares perfections, que des sottises manifestes,
& les actions aussi peu conformes
à la raison, qu’elles nous sont profitables.
Qu’en est il autre chose que des enleueméns
tyranniques, des guerres parmy les
Princes du sang, & parmy le peuple des
dissensions, des meurtres & des carnagés,
qui saigneront aussi long-temps, qu’il
pourra se trouuer des hommes qui se ressouuiendront
de ces choses. Dieu face par
|