creux d’vne abysme, où il auoit resolu de se perdre ;
ou comme cette diuinité dont parle Pausanias,
qui fut adorée dans le mesme lieu, où
peu auparauant elle auoit esté mesprisée de ses
propres Citoyens. Vn Autheur Italien qui connoist
parfaitement les artifices de son pays, est
tesmoin irreprochable de cette verité, protestant
dans vn Liure qu’il a composé, & qui est
intitulé, Il Diuersio Celeste. qu’vn Cardinal à la
mort tesmoigna mille regrets, & beaucoup
d’apprehension des iugemens de Dieu, d’autant
qu’il estoit paruenu au Cardinalat par des
moyens illegitimes, & indignes d’vne si éminente
grandeur. Bref, quelle satisfaction peut
esperer nostre ame dans le recit odieux des
crimes des mechans ? comme la veuë des monstres
épouuante nos yeux, comme le mouuement
des eauës croupies & puantes pousse vne
odeure infectée qui monte iusques au cerueau ;
& qui offence sa netteté, comme le souuenir
d’vne sanglante bataille, ou d’vne tempeste furieuse,
nous fait encor geler le sang dedans les
veines toutes les fois que nous y pensons. Ainsi
nous pouuons croire que tous ces desordres,
ces impietez, ces blasphemes, ces dissolutions
que nous lisons ou remarquons dans la vie des
autres, ne sont capables que de nous troubler

page précédent(e)

page suivant(e)