[retour à un affichage normal]

Mazarinade n° B_13_65

Image de la page

Anonyme [1652], LE MANIFESTE DV COMTE D’HARCOVRT, SVR SON ARRIVÉE EN la Ville de Brissac. FAISANT COGNOISTRE LE DESSEIN du Cardinal Mazarin, de s’emparer de cette Forteresse, qui estoit le sujet de sa retraitte hors de France. , françaisRéférence RIM : M0_2392. Cote locale : B_13_65.

& obligea Monsieur le prince de Conty de se retirer
à Bergerac, & se tenir sur la deffensiue, n’ayant
forces suffisantes pour tenir la campagne : ce qui fit
auancer le Comte-d’Harcourt bien auant, & mit le
Siege deuant la Ville-Neufue d’Agenois qu’il tint
long temps serrée, & enfin plusieurs manquemens se
trouuans en son camp, & iugea à propos d’en leuer le
Siege.
 
Mais la principale raison qu’il eust de ce faire, fut
l’aduis qu’il luy fut donné, que le Cardinal Mazarin
leuoit vne armée pour se rendre maistre de Brissac en
Brisgor Forteresse de la Maison d’Austriche, la plus
importante qu’elle eust au de là du Rhin, & en laquelle
le Comte estoit appellé, mesme auoit enuoyé ordre
à la Comtesse sa femme & ses enfans de s’y rendre, comme
elle fit dés le mois de Iuillet dernier : voyant que
le Cardinal Mazarin, au lieu d’y mettre, en consideration
de tant de si bons & signalez seruices qu’il à rendus
au Roy, luy fait reprocher qu’il auoit leué les deniers
du Roy en Guyenne pour son proffit particulier :
veu au contraire, que c’est la necessité qui l’a obligé
à les leuer pour payer l’armée, à laquelle on n’a enuoyé
aucune finance pendant cette guerre pour la fairé
subsister : & de plus, que le Cardinal Mazar. luy fait
non seulement refuser la suruiuance de sa charge de
Grand Escuyer de France à son fils aisné ; mais encore
le vouloir priuer de ce Gouuernement de Brissac, auquel
il a esté desiré & demandé, estant plus raisonnable
d’en confier la garde à vn Prince si courageux &