[retour à un affichage normal]

Accueil > recherche > Affichage d'une occurrence en contexte

Mazarinade n° B_5_50

Image de la page

Anonyme [1652], LE MANIFESTE DE MONSEIGNEVR LE DVC D’ORLEANS, AVEC LES CONSPIRATIONS DV Cardinal Mazarin, découuertes par son Altesse Royale, enuoyées aux bons François. ET LA PRISE DE QVATRE cent Casaques. , françaisRéférence RIM : M0_2366. Cote locale : B_5_50.


des Princes doiuent estre considerez comme
ceux de l’Estat : personne ne peut les persecuter
qui ne s’en preuue contre le Roy, mesme en leur
personne, & quand il s’agit des interests des Princes
& des Estrangers, horsmis d’estre priué de
sens commun, on preferera les premiers, à ceux
des aurres. Quelque diuersité qui se trouue dans
le cours des Astres, neantmoins il ne se derobent
point la lumieres les vns aux autres : & iamais
les Eclypses n’arriuent dans le Ciel que par
l’interposition des corps Estrangers. Quand on
considerera le Cardinal Mazarin tenant le rang
qu’il a vsurpeé auprez de la Reyne, que peut on
voir qu’vn affreux Eclypse qui a ietté la France
dans l’apprehension de sa ruine ? A quoy peut-on
attribuër l’esloignement de Monsieur le Prince
de la Cour, qui se trouue priuée d’vne si éclatante
lumiere qu’aux pernicieux Conseils de ce
fauory, qui pour tenir le rang de premier Ministre,
veut esloigner de la personne du Roy, tous
ceux qui se peuuent opposer à ses violences.
Croit-il le faire passer pour Criminel, apres que
le Roy a donné vne Declaration de son Innocence ?
Si l’on considere, mesme la Declaration que
ce Ministre fit publier aprés la detention des
Princes, on y verra des accusations si foibles qu’il
est aise à connoistre qu’vne animosité particuliere
en auoit esté la seule cause, s’il n y auoit aucune
puissance qui peut resister aux violences des