[retour à un affichage normal]

Mazarinade n° B_5_50

Image de la page

Anonyme [1652], LE MANIFESTE DE MONSEIGNEVR LE DVC D’ORLEANS, AVEC LES CONSPIRATIONS DV Cardinal Mazarin, découuertes par son Altesse Royale, enuoyées aux bons François. ET LA PRISE DE QVATRE cent Casaques. , françaisRéférence RIM : M0_2366. Cote locale : B_5_50.

de ses mesdisances, n’en ay peu souffrir l’insolence,
ayant oüy auec horreur, de sa bouche, que
Messieurs de la Cour vouloient commencer par
luy, pour continuer apres sur la Maison Royale,
& faire comme le Parlement, &c. Apres ce paroles,
ie n’ay plus voulu assister dans le Conseil tant
qu’il y seroit, & ie ne doute point qu’il n’ait donné
de mauuaises impressions à la jeunesse du Roi,
& qu’il n’ait tasché de l’aliener d’auec les Princes
& d’auec son Peuple. Ces fourbes ont toûjours
continué, & apres qu’il a esté banny du Royaume,
il a tant fait par ses pratiques artificieuses,
qu’il a obtenu des Letres de rappel, & mesme vne
charge de Generalissime, qui luy donnant l’entrée
du Royaume auec main forte, le rend encores
plus glorieux & insolent On ne s’est pas contenté
de luy faire tenir de l’argent pour lever des
Troupes au nom du Roy : de plus, on fait icy son
équipage, & comme si dans l’Allemagne il
ne pouuoit pas estre assez bien fourny ; on luy
fait faire des Casaques pour couurir ses Gardes.
Cruelle honte ! de reuestir de nos despoüilles
ceux qui sont commis à la garde de sa Personne.
Ses Casaques ont esté surprises entre les mains
de son Tailleur, qui auoit ordre de les enuoyer à
Nauailles, Capitaine des Gardes du Cardinal.
Certes cette conduite du Conseil, doit estonner
tout le monde, comme la Politique est la plus difficile
partie de la Morale, aussi a t’elle cét avantage