[retour à un affichage normal]

Accueil > recherche > Affichage d'une occurrence en contexte

Mazarinade n° A_2_43

Image de la page

Anonyme [1649], DIALOGVE BVRLESQVE DE GILLES LE NIAIS ET DV CAPITAN SPACAMON. , françaisRéférence RIM : M0_1072. Cote locale : A_2_43.


maille, ou qu’on te baillast comme à des Religieux le viure ?
 
Spacamon.
Ie me contenterois du cheual & de la monnoye de Sainct
François pour me conduire au lieu de seureté, & ie sçaurois
bien tousiours où faire ma retraite.
Gilles.
Vous autres Italiens affinez tout le monde, mais on se tient
bien sur les gardes : on foüille tous ceux qui s’en vont, iusques
pardessus les cottes des femmes : & depuis qu’on a descouuert
vn espion habillé en femme, lequel portoit des aduis
au Mascarin de tout ce qui se passoit dans Paris.
Spacamon.
Quand on me foüilleroit iusques au trou du cul, pourueu
qu’il n’y eust que moy tout seul qui foüillast dans ma merde,
Gilles, ie ne serois guere en peine de ma vie.
Gilles.
Comment, tu chierois pistolles, & puis deuiendrois foüille-merde ?
Spacamon.
Bien entendu : les Partisans sçauent faire de l’or potable,
aussi bien que changer les liqueurs en or. Et si tu ne le sçais
pas ils ont la mesme vertu que Midas, tout ce qu’ils manient,
tout ce qu’ils voyent, se change en or.
Gilles.
Quoy ? A cette heure si vn Partisan nous voyoit toy ou
moy, il nous changeroit en or.
Spacamon.
Oüy : il a fallu que nos Maistres ayent desboursé argent
pour auoir permission de nous faire ioüer en public, aussi
nous sommes deuenus Gentils-hommes depuis qu’on se sert
d’vn mesme cachet pour seeller les Lettres de Noblesse, &
celles des Operateurs.
Gilles.
Mais comment feriez-vous, Seignor Spacamon, si vous
estiez Partizan, pour emporter vos meubles, vos terres, &
vostre argent ?
Spacamon.
Ie ferois passer tout cela par inuisibilium.