[retour à un affichage normal]

Mazarinade n° C_1_48

Image de la page

Anonyme [1650], LE GRAND COVRIER OV LE CELEBRE DEFENSEVR DV MARDY GRAS, ET SON DIALOGVE AVEC gros Guillaume, le Dodelu, & Frippe-sausse. , françaisRéférence RIM : Mx. Cote locale : C_1_48.

qui veuïlle vuider vostre bource, comme sont ceux
qui debitent leurs denrées au bout du Pont neuf, vous
bannirez ce Liure intitulé, Propos de Table, car ie
vous conseille de ne parler iamais qu’en monosyllabes
lors que vous mangerez, ou de faire comme celuy
qui ne respondoit que par bis, blanc, &c. car vous
en sçauez l’Histoire.
 
Le Dodelu.
Par bleu il a raison, ce braue docteur en cuisine, &
pour moy, ie fais aussi-bien que lui la nique à ces ennemis
de la bonne chere à ces Pedans de Mont-aigu,
qui crient sans cesse, & qui mettent sur les manteaux
de leurs cheminées, ne quid nimis, & cependant nous
sçauons que ces Lecinaires font carousse quand il ne
leur en couste rien. I’ay tousiours crû qu’il n’y auoit
rien de plus vtile au corps & à l’ame que la ioyeuse vie,
& de grace, ne pouuons nous pas prouuer cette verité
par nos venerables & pansuës presences, en comparaisons
de ces squelettes descharnez, & melancholiques
des figurez qui condamnent nos festins, & qui
croyent qu’on se peut nourrir de fumée.
Gros Guillaume.
Ie pense qu’il faut estre aussi sot pour croire cela,
que ceux qui ont dit que les lumens d’vn certain Pays,
dont i’ay oublié le nom, car ie ne suis pas excellent en
la connoissance de la Carte, quoy que ie sçache assez
bien celuy des Dez & des Cartes, que les Iumens, dis-ie,
peuuent estre renduës plaines, & produire des Poulains
par le seul souffle des vents. On y adiouste des
Peuples qui ne viuent que par l’odorat, mais pour moi,