Mazarinade n° C_4_27
Image de la page
Anonyme [1649 [?]], LE GOVVERNEMENT PRESENT, OV ELOGE DE SON EMINENCE, SATYRE, OV LA MILIADE. , françaisRéférence RIM : M0_1503. Cote locale : C_4_27.
Et que ceint d’vn laurier bacchique
Il discours de la republique,
Et la d’Herbelay & de la Tour,
De leur beauté de son amour,
Il vieillit sans deuenir sage,
Il fuit tousiours le mariage,
Il estoit gendre & tres-meschant,
Du grand capitaine Marchand,
Il estoit ciuil à sa femme,
Brusloit d’vne impudique flamme,
Elle de sa part l’encernoit,
Prodigue vers qui luy donnoit.
Ce Boucquin pour nourrir son vice,
Vend publiquement la Iustice,
D’Herbelay l’a mise à l’encamp,
Tire huict mille escus par an,
Fait ordonner ce qu’on demande
Pourueu qu’on luy porte vne offrande,
Se vante parmy les tailleurs,
Qu’elle est grosse de procureurs,
Qu’elle enfantera vingt Officiers,
Le digne prix de ses seruices.
Que s’il est sale en ses amours,
Il est plus sot en ses discours,
Ses harangues sont pedantesques
Et pleines d’infinies grotesques,
Empruntant tousiours son Rollet,
D’vn Esprit pedant & follet,
Il ayme si fort la nature,
Qu’il parle au Roy d’Agriculture,
De bien semer, de bien planter
Desmonder clacquer anter,
Il discours tout d’vn art si rare,
Que dans les iardins il s’esgare,
Traitte Louys de Vigneron,
Adiouste ce tiltre à son nom,
Compare vn grand arbre à la France
Et ce bel Astre à sa prudence,
Qu’il sçait esbranler les Estats,
Qu’il sçait couper les Potentats,
Qu’il sçait anter guerre sur guerre,
Qu’il sçait bien cultiuer les terres
Ainsi ce sublime Orateur,
Ce sage & delicat flatteur,
Ce Satyre à la gorge ouuerte,
Ce beau porteur de cire verte,
Cet Athée ennemy de Dieu,
S’est fait amy de Richelieu,
Il est traistre à sa compagnie,
Les soubmet à la tyrannie,
Denonce les plus gueux,
Excite Richelieu contre eux,
Et fait qu’il ordonne vn supplice,
Pour le courage & la Iustice,
Il bannit les bons Magistrats,
Comme perturbateurs d’Estats,
Introduit par toute la France
Le crime de leze Eminence,
Vange auec moins de cruauté
Celuy de leze Majesté,
Il fait reuerer sa personne,
Plus que Louis & sa Couronne :
Par ses seruices dignes de feu,
Il a gaigné le cordon bleu,
Cordon qui seruira de corde,
Si on luy fait misericorde,
Car la rouë à peine est le prix
Des attentats qu’il a commis,
Armand à ces ames si pures,
Dispense les Magistratures,
Et faict regner sur ses subiets
Ceux qui sont dignes de gibets,
C’est la conduite admirable,
De ce Ministre incomparable,
De ce Capitan sourcilleux,
De ce Matamore orgueilleux,
De ce ieune Hercule des Gaules,
Image de la page