[retour à un affichage normal]

Accueil > recherche > Affichage d'une occurrence en contexte

Mazarinade n° B_6_22

Image de la page

Anonyme [1651], LE GLORIEVX RETOVR A PARIS DES PRINCES DE CONDÉ, de Conty & du Duc de Longueville: , françaisRéférence RIM : M0_1500. Cote locale : B_6_22.



Leursdites Maiestez ayans esté bien informées de
innocence des Princes de Condé & de Conty &
du Duc de Longueville, enuoyerent leurs ordres au
sieur de Bar qui les auoit en garde, de les mettre en
liberté : ce qu’ayant fait le 13. de ce mois, ces Princes
partirent le mesme iour du Havre de Grace, allerent
à Grosmenil, le lendemain à Rouen où ils furent receus
auec de grands tesmoignages d’allegresse, le
quinziéme arriuerent â Escouy & le 16. en cette ville.
Comme lors que ie receus l’ordre expres de vous
faire sçauoir la detention de ces Princes ie vous en
tesmoignay mon regret, ie ne puis vous traire auiourd’huy
ma ioye de leur deliurance. Il leur a bien esté
glorieux que nostre Parlementait ordonné par plusieurs
de ses Arrests que Leurs Maiestez seroient tres-humblement
suppliées, comme elles l’ont esté de leur
part, de faire expedier tous les ordres necessaires pour
leur elargissement, & depuis remerciées de leurs fauorables
responses: mais la gayeté & reioüissance publique
auec laquelle ils ont esté receus redouble grandment
cette gloire, & reng nos esprits autant rauis que
nos cœurs épanoüis d’aise de voir cet inopiné changement
& que ce qui eust esté pris pour vn songe. Il y a
peu de iours, soit auiourd’hui vne histoire.
Cette délivrance arriua le 13. de ce mois au Havre
de Grace : d’où ces Princes s’estans ici acheminez arriuerent
le 16. ensuiuant à la mesme heure, à sçauoir
sur les 4. à 5 heures du soir, 13. mois moins deux iours
apres qu’ils en avoyent esté emmenez.
Monseigneur le Duc d’Orleans, qui estoit allé le
iour precedant voir Sa Maiesté au Palais Cardinal :
continuant les soins dont Son Altesse Royalle auoit
procuré cet eslargissement tant desiré, les estant allé
rencontrer en la plaine de Saint Denys, ils mirent
tous pied à terre, & s’estans fort estroittement embrassez
par plusieurs fois. Sadite Altesse Royalle voulut
honorer cette entree de sa presence, & les ayant
fait monter en son carrosse, où estoient aussi le Duc