[retour à un affichage normal]

Accueil > recherche > Affichage d'une occurrence en contexte

Mazarinade n° A_2_17

Image de la page

Anonyme [1649], ADVERTISSEMENT A COHON, EVESQVE DE DOL ET DE FRAVDE: PAR LES CVISTRES de l’Vniversité de Paris. , français, latinRéférence RIM : M0_444. Cote locale : A_2_17.


n’a-t’il pas decrotté les habits & noircy les souliers des Regens ?
n’est-il pas à la veille, au lieu d’vn chapeau gras que
nous luy avons vû porter autrefois, de voir sur sa teste vn
chapeau de Cardinal ? Iaques l’Escot fils d’vn petit portebale
de S. Quentin, Abbé de trois belles Abbaïes, & Evesque
de Chartres, celuy que le curé de Mezieres a surnomme le pedant
mitre, n’a-t’il pas esté comme nous, au colege de Calvi
au logis du bon Docteur Mr. le Clerc ? Ce Chancelier quoique
glorieux, & qui tient vn peu trop sa gravité, est parvenu
par la vertu, & les autres par le vice. Nous avons bien voulu
vous mettre ces exemples devant les yeux, pour vous faire
connoistre vostre faute, que les Cuistres auroient tiré vn
grand honneur en vous, & si vous fussiez parvenu comme
ceux que ie vous viens de nommer, lesquels tant s’en faut
qu’ils degenerent, qu’au contraire, ils aspirent toujours à
chose plus grande. C’est ainsi qu’il faloit faire, Mr. Cohon,
gouverner vostre fortune, non pas d’avoir caché le [6 lettres ill.]
que Dieu vous avoit donné. Prenez garde que ces Messieurs
les gens de Chicane, ne vous envoyent au giber, que vous
avez merite il y a de ja long-temps ; la perfidie est odieuse à
Dieu & aux hommes : Iudas appelle à l’Apostolat comme
vous, pour avoir trahy son bon Maistre & son Bien-facteur,
se pendit par desespoir ; Vous en deviez faire de mesme apres
avoir commis vne action si lâche, d’avoir trahy vostre Patrie,
le Roy, le Parlement, & ceux qui ont contribué à vostre fortune.
Nous vous donnons encor vne fois, cet Avis salutaire,
de vous amander. Diogenes disoit à Demosthenes, qui se
cachoit dans le coin d’vn cabinet, honteux d’y avoir esté
trouvé, la honte est à l’entrée & au dedans, non au sortir: Si
vous voulez prendre le chemin de la Vertu, à quoy vostre
condition vous oblige, & les Cuistres vous exhortent, soiez
toujours dans l’humilité, quittez les mauvaises compagnies,
vostre vie scandaleuse, & vos debauches, crainte d’acordent,
qui rejalliroit sur vous : Ne prenez plus conseil des sols, ny
de ceux qui en sont issus ; Le sieur de Laune, quoyque Conseiller
au Chastelet de Paris, & qui depuis l’enlevement dernier
du Roy hors de Paris, n’a point esté au Chastelet comme
les autres Conseillers les Confreres, mais seulement de