[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

Roy ne faisoit que celles d’vn Prince trop indulgent
aux volontez de son Ministre. Ainsi pour
tirer sa maison de l’indigence où elle estoit, &
pour la rendre la plus illustre de France, en biens,
en charges & en dignitez comme c’est l’ordinaire
des Ministres ; il fit armer contre ceux de
la Religion pretenduë Reformée, & fit declarer
la guerre au Roy d’Espagne, afin que par le
moyen des leuées extraordinaires de deniers
qu’il feroit sur les sujets du Roy, sous vn si beau
pretexte, il se peût enrichir luy & les siens des
sommes immenses qu’il leueroit sur les peuples.
Enfin, du sang du peuple il fist faire le plus superbe
bastiment de l’Europe, lequel contient en
soy les plus riches dépoüilles de l’Estat, accompagné
d’vne Ville portant le titre de Duché & de
Pairie, du reuenu de cent mille liures. Outre cela,
il a laissé à ses heritiers les Terres les plus seigneuriales
du Royaume. Il a donné la Duché d’Aiguillon
à sa Niepce, auec quatre cens mille liures
de rente, sans compter ce qu’il a laissé à ce nombre
infiny de parens & d’alliances qu’il a faites
aux meilleures Maisons de France.
 
Apres cela, Mazarin plus fourbe & plus voleur
que son deuancier, qui a tousiours abusé de
la confiance que la Reyne prend en luy ; que la
seule trahison a eleué à la dignité de Cardinal,
plustost que l’intention de bien seruir Dieu ; qui
nous a este laissé par son predecesseur pour acheuer
nostre ruine ; qui, porté d’vne mesme ambition