[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

Ecclesiastiques ne fussent aussi ignorans que de
coustume : tellement que leurs mœurs corrompus
leur auoient donné vn tel desdein du Ministere
où ils estoient appellez, qu’il sembloit que
ce fut vne chose honteuse & contre la dignité Ecclesiastique
que de prescher, ou que d’enseigner
les peuples. En prenant exẽple sur les plus grands,
les simples curez en vouloient faire de mesmes,
ou s’ils le faisoient lors qu’ils y estoiẽt contraints,
c’estoit auec des discours du Ricochet, qui sentoient
plus l’esprit mal edifiant, que le Pasteur
bien raisonnable.
 
Le luxe & l’auarice ne sont pas moins esclatans
parmy eux que l’ignorance. Au Concile de Carthage
qui fut tenu sous le Pape Innocẽt premier
de ce nom, il y fut ordonné que les Euesques auroient
vne petite loge garnie d’vn pauure mesnage,
pres l’Eglise, & que là ils viuroient petitement :
& nous les voyons auiourd’huy auec des
suittes qui font honte à celle des premiers Roys
de Frãces. Nous en auons deux parmy nous sans
les nommer de peur de scandaliser personne, dõt
l’vn ne conte ses reuenus que par des millions, &
l’autre ne les admire que par les profusions des
seruices qu’on luy fait à table. Et ce bien là Messieurs
les Prelats vous a esté donné pour aller
du pair auec les Souuerains ? c’est ce qui vous
trompe, il vous a esté donné pour le manger auec
les pauures en faueur de qui il a esté donné,