[retour à un affichage normal]

Mazarinade n° B_10_29

Image de la page

Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.

Il n’y va pas moins en cela que de nostre
salut, & de la conseruation de tout le Royaume.
Et cela se deuroit faire sans épargner les Italiens
qui occupent la troisiesme partie des benefices
de France, qui ont des pensions infinies dessus :
qui s’approprient nos meilleurs reuenus : & qui
se mocquent de la simplicité auec laquelle nous
leur laissons suççer tout nostre sang, ainsi qu’à
des estranges sangsuës. En l’an 1561. sous le regne
de Charles IX. Monsieur le Chancelier deliura
des Lettres Patentes, par lesquelles il estoit fait
commandement à tous les Prelats de se tenir en
leurs Diocezes, ou autrement que l’on confisqueroit
leurs meubles : & le Parlement de Paris
les condemna à vuider la ville dans vn certain
temps, sur peine d’y estre contraints, & de voir
mettre leurs meubles au beau milieu de la ruë.
 
En l’an 1560. ne futon pas contraint de representer
au Roy François II. que les Euesques n’auoient
aucune crainte deuant les yeux, de rendre
cõpte à Dieu du troupeau qu’ils auoient en charge :
& que leur plus grand soin n’estoit que de s’ẽ
parer du biẽ de l’Eglise pour en abuser en de folles
& en des scandaleuse despenses ? tellement
qu’on en auoit veu quarante ou cinquante resider
à Paris, pendant que le feu s’allumoit en leurs
Dioceses. En mesme temps on voyoit donner les
Eueschez à des ignorans & à des debauchez, incapables
de pouuoir faire leur charge, si biẽ que