[retour à un affichage normal]

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.

l’honneur du Createur, & le [1 mot ill.] de ses creatures,
à toute la secte Mazarinique.
 
Nous ne sommes pas seulement obligez de
maintenir la gloire de Dieu contre ces ennemis
du repos public : mais encore de nous exposer à
la mort, pour les deliurer d’vne vie si iniurieuse
à toute la nature spirituelle. Et certes, cette
obligation que nous luy auons est si grande,
qu’il nous est impossible ny de l’effacer ny de la
corrompre. Dieu a pris plaisir luy mesme de
l’escrire de sa propre main sur l’éternité de son
incomprehensible durée. Ne sçauons-nous pas
bien qu’il nous a tirez du neant : qu’il nous a formez
à son image & semblance, & qu’il s’est sacrifie
pour le salut de ses creatures. Voyez apres
cela si nous sommes obligez de maintenir son
honneur contre des tyrans, que son seul interest
particulier veut que nous exterminions, ou par
le fer ou par la flamme ? Et voyez apres cela si sa
volonté ne doit pas estre la regle de toutes les
autres volontez des hommes ? De grace, qui fera
les choses selon sa sainte volonté, sçauroit-il
mal faire ? N’est-ce pas là cette premiere volonté
à laquelle nous deuons tous conformer les
nostres ? Ne sçauez-vous pas que la volonté de
Dieu est immuable ? qu’il la faut connoistre &
la faire : & que celuy qui la connoist & ne la fait
pas en sera puny au double : & la faisant que