[retour à un affichage normal]

Accueil > recherche > Affichage d'une occurrence en contexte

Mazarinade n° B_11_17

Image de la page

Anonyme [[s. d.]], LE FLAMBEAV D’ESTAT, AVEC LEQVEL TOVS LES PEVPLES DE FRANCE peuuent voir comme ils sont obligez de s’vnir pour l’execution de l’Arrest du 29. Decembre 1651. & de l’Arrest du 23. Iuillet 1652. donnez en Parlement contre Mazarin, toutes les Chambres assemblées. OV L’ON VERRA, I. Que les Arrests d’vn si Auguste Parlement que celuy de Paris doiuent estre inuiolables; principalement quand ils sont donnez pour deliurer l’Estat de la prodigieuse tyrannie où il est. II. Qu’il y va de la gloire de Dieu, de l’honneur du Roy, du salut de la Couronne, du repos public, & du bien vniuersel de tous les peuples de France. III. Qu’il n’est point de François qui ne soit veritablement obligé de respondre vn iour deuant Dieu, de toutes les voleries, meurtres, violences incendies & sacrileges que Mazarin & ses complices font & feront de toutes parts, si on ne les en empesche pas, le pouuant faire. IV. Qu’il n’y a rien de si facile que d’en venir à bout par vn soûleuement general, puis que tous les autres moyens nous ont manqué. V. Et qu’il n’est point de peuple qui n’ait droit de se faire iustice soy-mesmes, quand on refuse de la luy faire. , françaisRéférence RIM : M0_1397. Cote locale : B_11_17.


de l’Empereur, il faut qu’il reconnoisse sa iustice.
 
Ioan. 19.
Luc. 23
Et Mazarin pour auoir esté fait Cardinal en
dépit du Pape en seroit exempt, comme si sa dignité
le mettoit au dessus du Pontife Romain, &
du Seigneur absolu, Fondateur, & Chef essentiel
de l’Eglise, Iesus-Christ, par lequel, & pour
lequel cette diuine Espouse subsiste & subsistera
iusques à la fin des siecles.
Tous ses Euangelistes disent qu’il est innocent,
que l’Arrest qui a esté donne contre luy est
tumultuaire, qu’il n’y a eu ny plaintes, ny informations,
ny témoins contre luy, que ses luges
estoient ses parties, & que pas vne des formalitez
ordinaires n’y a pas esté obseruée.
Et moy ie respondray à ces corbeaux croaçans,
ou à ces prosneurs de fausses nouuelles,
sans mettre en question qu’il est Estranger, &
par consequent exclus du Ministere qu’vn homme
qui a volé tous les thresors de l’Estat qui a
enleué le Roy, bloqué Paris, & fait emprisonner
les Princes : qui a cause la perte d’vn million d’ames :
qui a mis tous les peuples de l’Europe à la
besace, en presence de Dieu, du Ciel, & de la
terre, des hommes & des Anges : & qui a rompu
le traité de la paix generalle qui fut fait à Munster
par le Comte d’Auaux, à la barbe de tous les
Plenipotentiaires de France, d’Espagne, de Suede,