[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.



Esteint en ses armes mesmes,
Du trop grand chaleur & retraitte,
Et L’ORIFLAMME CONTREFAITE
Chai à terre, & la saisirent
Flamens, qui apres s’enfuyrent.
 
L’imposture de Mejer, est combattuë, par deux
moyens tres-puissan. Le premier, que les Rois successeurs
de Philippes le Bel, se sont seruis de l’Oriflamme :
l’ont receu auec pareille deuotion : l’ont
rendu auec semblable respect que leurs predecesseurs :
ce qu’ils n’eussent point fait, à vn ombre, à
vne feinte. Louis le Hutin : Philippes de Valois : Iean,
son fils : Charles V. ont fait porter l’Oriflamme par
des plus estimez de leur temps. Les exemples se
voyent dans les histoires. Mais le nombre est si grand
sous Charles VI. rapporté par Iean Iuuenal des Vrsins,
& par vne grosse histoire Latine MS. estant en la
Bibliotheque de Monsieur de Thou, dont l’Autheur,
comme des Vrsins, a esté tesmoin oculaire, qu’il met
la question hors de doute.
Response à
l’imposture,
de Meierus.
I’en rapporteray les mots mesmes, comme importans,
& seruans à beaucoup de raretez, concernans
les formalitez mysterieuses pour prendre l’Oriflamme
& les qualitez rares de ceux qui ont esté choisis
pour la porter.
L’Oriflamme,
comment
est deliurée
au Roy.
Iean Iuuenal des Vrsins, sous l’an 1381. Le Roy s’en
alla à S. Denys, visita les corps saincts, fit ses offrandes, fit
BENIR L’ORIFLAMME par l’Abbé de S. Denys,
& la bailla à Messire PIERRE DE VILLIERS, lequel
fit le SERMENT accoustumé, & la garda plus d’vn an
entier, car le Duc de Bourgongne, &c. Le mesme Autheur,