[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


affirmatiuement, cet ORIFLAMME auoir esté pris, rompu
& dissipé par les Flamans. Flammula Gallorum signum,
de quo tam multa solebant fabulari eo prælio discissa
& laniata est à Flandris, occisusque Anselmus Cheurosius
eius gestator. Il est vray, par le consentement de toutes
les histoires, que Anseau de Cheureuse mourut en ce
combat : Mais ils ne conuiennent pas, que l’Oriflamme
ait esté prise. Iean Villani descriuant ceste bataille,
au liure 8. ne parle point de l’Oriflamme. Le sieur Vignier,
en son Sommaire d’histoire, rapporte l’authorité
d’vn Escriuain de ce temps là, Dominus Anselmus de
Caprosio (Vignier le tourne de Caprose) miles probatus
& maturus, strenuus & fidelis, qui ferebat tunc, &
alias pluries tulerat de præcepto Regis, ob fidelitatem & integritatem
eximiam, vexillum sancti Dionysij, quod vulgariter
diciturORIFLAMMA, sitis vehementis æstu occubuit,
La Chronique ancienne de Flandres, chap. 47. dit,
que le lendemain de la bataille, on trouua l’Oriflamme
gisant emmy les champs, & que toute nuit y auoit
geu. Mais Guillaume Guiart, qui viuoit lors, & estoit
au combat, tesmoigne la prise, non de l’Oriflamme
veritable, mais d’vne Oriflamme feinte, portée pour
enflammer & animer le courage des soldats.
 
Escrits de
Meurus &
ennemy de
l’Estat, contre
[1 mot ill.] ORIFLAMME.
Ils le dient
auoir esté
prise &
rompuë à
Mons en
Puelle.
 
Aussi li sires de Cheureuse,
Porta l’ORIFLAMME merueille,
Par droicte semblance pareille,
A celle, sele voir esgarde,
Que l’Abbé de sainct Denys garde.
 
Oriflamme
feinte,
prise.
Et par apres, ailleurs.
 
Aussi au le sieur de Cheureuse,
Fut si comme nous apprismes,