Mazarinade n° D_1_1
Image de la page
Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.
vouloit honorer ; & pour parler auec Iean Iuuenal des
Vrsins, en son histoire de Charles VI. ad annum 1414.
On auoit de tout temps accoustumé, de bailler l’Oriflamme,
à vn Cheualier [illisible], preud’homme, & vaillant. Celuy
donc auquel l’Oriflamme estoit deliurée par le Roy,
la gardoit sans la desployer, iusques à la necessité.
Quelquesfois, les Rois leur attachoient simplement
l’Oriflamme au col, & en ceste forme, la portoient,
pour marque d’honneur, attendant la rencontre : &
lors, elle estoit déployée, attachée au bout d’vne lance.
Celuy qui estoit esleu, pour se rendre digne d’vn
choix si noble, se confessoit, prenoit l’Eucharistie, &
sur icelle faisoit serment solennel de la fidellement
garder pendant sa vie. La guerre finie, l’ORIFLAMME
estoit reportée à S. Denys par les Rois mesmes, comme
il se verra cy-apres.
Vnion du
Comté du
Vexin à la
Couronne.
Oriflamme
est commise
aux plus
vaillans.
Attachée
au col.
Au bout
d’vne lance.
Serment de
celuy qui la
reçoit.
Pour monstrer, qu’auant le delaissement fait au Roy
Louis le Gros du Comté du Vexin, par Richard Roy
d’Angleterre, rapporté par Aimonius Monachus, la
garde de l’ORIFLAMME appartenoit au Comte du
Vexin, & a passé au Roy auec le Comté : ie rapporte
la Patente, expediée par commandement du Roy
Louis, lors qu’en ceste qualité l’ORIFLAMME luy
fut deliurée, laquelle i’ay tiré du thresor des titres
de sainct Denys.
Au nom du Pere, du Fils, & du Sainct Esprit,
Amen. LOVIS par la grace de Dieu, Roy de
France : Aux Archeuesques, Euesques, Ducs,
Comtes, & à tous les Grands de nostre Royaume.
Dautant que par la grande misericorde de Dieu,
Image de la page