[retour à un affichage normal]

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.

Ribaux : que lesdicts biens ils baillent, & deliurent ausdits
Religieux, sans delay, & sans autre mandement attendre
de nous, en prenant lettre de quittance desdites parties. EN
TESMOING, nous auons mis nostre seel à ces presentes
lettres, qui furent faites le 18. Aoust, l’an de Grace 1355.
Seellé des armes de Chastillon.
 
Tous les voisins & alliez du Royaume ont emprunté
le nom de ceste charge, DAPIFER, auec partie
des effects. Les Ducs de Normandie : Comtes de
Flandres : Ducs de Bourgongne : Roys d’Angleterre :
Roys d’Arragon : Roys d’Italie : & l’Empereur,
dont i’ay infinis exemples, Ordric. Vital. Eccles. hist.
lib. 3. & 7. parle de Normanorum Dapifero. Dedans
les histoires de la Terre saincte, souuent se void Dapifer
& Vicedapifer. Et en l’establissement des Roys
au Royaume de Ierusalem, par Baudoüin Comte de
Flandres, au liure MS. des Assises, ya vn chapitre du
Seneschal, en ces termes.
Les voisins
& alliez
ont eu de
ces charges.
LEIOVR du Couronnement, le Seneschal doit ordonner
LE MANGER du iour, & comment l’on seruira iceluy
iour en la maniere que mieux luy semblera, si le Roy luy
fait aucun exprez commandement iceluy iour mesmes si tost
comme le Royira de sa Chambre où il sera vestu pour aller
au moutier. Le Seneschal doit TENIR LE SCEPTRE, & le
porter deuant luy, iusques dedans l’Eglise, & le tenir iusques
à tant qu’il le prenne en sa main, & si tost comme il sera
couronné le Seneschal doit aller auant en l’hostel, &
faire ordonner les choses qui luy sembleront à bien faire, &