[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


Adstantib. &c. DAPIFERO NVLLO. Ce sont termes
de manque, & defaut d’officier exerçant, mais non de
suppression d’Office. Ainsi souuent nous voyons, Camerario
nullo, & autres semblables. En vn titre de l’an
1223. ez Antiquitez de S. Denys, Dapifero nullo : Buticulario
nuilo : vacante Cancellaria : c’estoient seulement des
suspensions & trefues, suiuies, peu apres, de continuation
d’exercice. Et combien que depuis Thibaut
Comte de Blois, il ne se voye point de prouisions, ny
de suppression, il se peut faire, que le nom ait esté
esteint & la charge exercée sous vn autre titre. Du
Tillet remarque vne suitte de grands Maistres de
France, qu’il dit auoir succedé au Seneschal. Ceste
charge donc, exercée par des Princes du Sang, Comtes
d’Anjou, & autres tres-releuez, s’estant rencontrée,
& ayant subsisté en vn Chancelier de France,
n’est-ce pas vn tesmoignage puissant de sa grandeur ?
L’insistance faite par la Maison d’Anjou, pour se la
conseruer, merite vne attention particuliere. Le Roy
Robert, la donna à Geoffroy Grisegonelle : Guillaume
de Gallande en ayant esté pourueu apres Anselme
son frere, le Comte d’Anjou se sentit blessé : inuité
par le Roy Louys le Gros, d’assister en vne rencontre
importante, il refuse, iusques à ce que le tort luy
eust esté reparé. Hugues de Cleeries de sa part faict
vn voyage vers le Roy : il s’informe, & dresse procez
verbal des droicts & prerogatiues de la charge : le
Roy confirma le Comte d’Anjou, auquel Guillaume
de Gallande & depuis luy, Estienne son frere, &
Raoul Comte de Vermandois rendirent hommage