[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


Chappe & Chappelle desireroit quelque sejour.
Mais tel que puisse estre l’origine, qu aucuns se sont
efforcez tirer du Grec, ou comme Durandus, à Caprinis
pellibus, l’adaptation en a esté diuerse : Car outre
la designation des tentes, souuent employées pour la
celebration du seruice diuin, en longs voyages &
suitte des armées : sous ce nom, sont compris les
lieux destinez à la deuotion és maisons priuées : les
secours des Eglises & autres lieux affectez au seruice,
submis neantmoins aux Eglises principales.
 
Origine du
nom de
Chappe, ou
Cappa.
Chappelle.
I’ay esté retranché en la suitte de mon trauail, par la
rencontre d’vn discours de long-temps imprimé, sur
le nom de Chappelle : ne desirant donner autre chose,
que de mon trauail, sans emprunt.
Outre ces significations : Chappelle quelques fois se
prend pour vne Eglise principale. La Patente de Charlemagne,
pour la fondation de l’Eglise de Nostre Dame
à Aix, rapportée par Miræus Donationum piarum
lib. 1. c. II. l’appelle en diuers lieux, Basilicam, & Templum.
Et neantmoins par tout ailleurs elle est appellée
Chappelle : & de là, Aix-la-Chappelle, à cause de
ceste grande Eglise. La fondation & dotation de l’Eglise
de Compienne par Charles le Chauue, de l’an
877. contient ceste diuersité de significations. In honore
gloriosæ Dei genitricis, ac perpetuæ semper virginis
Mariæ, cui regium vocabulum dedimus, fundo tenus exstruximus,
&c. Et dit auoir esté porté à ceste fondation,
quia diuæ recordationis Auus noster Carolus, cui diuina
prouidentia Monarchiam totius huius Imperij conferre
dignatus est, in palatio Aquensi, Capellam, in honore beatæ
Dei genitricis & virginis Mariæ construxisse. Les Annales