[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


temps, ny à mesme personne, ny par mesme personne.
 
La Prebende à sainct Martin fut accordée par
le Chapitre sainct Martin à Ingelgerius premier
Comte, pour recognoissance du trauail qu’il auoit
pris à recouurer & retirer d’Auxerre la Chasse
de sainct Martin, laquelle y auoit esté portée
pour crainte des Normans. Historia Andegauensium
Consulum. Communi Consilio dederunt Ingelgerio
Consuli, Præbendam Beati Martini, ipsi & hæredibus
eius in perpetuum. Quia verò Ecclesia eiusdem Sancti,
tunc temporis carebat Thesaurario vel Ædituo, Consulem
Ingelgerium intronisauerunt, & Thesaurarium
constituerunt, & DEFENSOREM Ecclesiæ fecerunt, &
tutorem omnium possessionum eius vbicumque essent. La
Chronique sainct Martin : Ingelgerio Comiti, suisque
successoribus, Præbendam Ecclesiæ sancti Martini, nec
non & terrarum suarum CVSTODIAM contulerunt.
Comtes
d’Anjou
Chanoines
de S. Martin.
Ceste dignité de Chanoine, fut continuée par
ses successeurs. Les mesmes histoires ont remarqué
de Foulques second, dit le Bon, qu’il prenoit
à honneur la qualité de Chanoine, & qu’ez festes
de sainct Martin il se tenoit dans le chœur entre
les Chantres en habit d’Ecclesiastique, chantoit
auec eux, & se conformoit à leurs mœurs. Ce que
aucuns proches du Roy ayans apperceu, s’en moquerent
comme d’vn monstre & prodige, en quoy
ils furent secondez par le Roy mesmes : Auquel le