[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


monstrer que la Chappe de S. Martin estoit portée
aux armées de nos Rois, pour Estendart & Banniere,
voicy diuers tesmoignages tres-clairs.
 
Chappe de
S. Martin
estoit l’estendart
de
France.
Le Moine de S. Gal, qui viuoit enuiron le temps de
Charlemagne, lib. 2. de reb. Caroli Magni, parlant de
ceux qui estoient employez par ce Monarque à sa
Chappelle, dit : que les Rois de France auoient de
coustume d’appeller du nom de Chappelle, Sancta sua,
à cause de la Chappe de S. Martin, qu’ils portoient
ordinairement à la guerre pour leur defense, & ruine
de leurs ennemis.
Walafridus Strabo, cap vltimo de exordiis & incrementis
rerum Ecclesiasticarum dit, que anciennement les Chappellains
ont esté ainsi appellez, à cause de la Chappe
de S. Martin, laquelle les Rois de France portoient
pour secours & pour la victoire aux guerres : & ceux
qui la portoient, & gardoient auec les autres reliques
des Saincts, ont esté appellez Chappellains.
Honorius Augustodunensis in speculo Ecclesiæ, sermone
de Martino Episcopo. La Chappe de S. Martin estoit
portée deuant les Rois de France, allans à la guerre,
pour Estendart, & par le moyen d’icelle remportoient
la victoire, & surmontoient leurs ennemis.
Au liure inscrit Gemma animæ, qui est au I. volume
de la Bibliotheque des Peres, chap. 128. Capellani,
à Cappa sancti Martini appellati, quam Reges Francorum
in præliis semper habebant, & eam deferentes Capellanos
dicebant.
Durand Euesque de Mende, l 2. de diuinis officiis, c. 10.
En plusieurs lieux, dit-il, les Prestres sont appellez
Chappellains : Car anciennement les Rois de France