[retour à un affichage normal]

Accueil > recherche > Affichage d'une occurrence en contexte

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.


aux personnes du Roy & du Duc d’Aquitaine la bende
& Enseigne du Comte d’Armignac, en delaissant sa noble
& gentille Enseigne, que luy, & ses predecesseurs Rois
de France auoient tousiours portée en armes : C’est à sçauoir,
la DROICTE CROIX-BLANCHE, dont moult de
notables Barons, Cheualiers, & autres loyaux anciens seruiteurs
d’iceluy, & aussi du Duc d’Aquitaine, furent assez
mal-contens, disant que pas n’appartenoit à la tres-excellente
& baute Majesté Royale, de porter l’enseigne de si
poure Seigneur comme estoit le Comte d’Armignac, veu
encore que c’estoit en son Royaume, & pour sa querelle.
Et auec ce, icelle bende, dont on faisoit à present si grande ioye,
auoit esté baillèe au temps passé aux predecesseurs de iceluy
Comte, à la porter à tousiours luy & ses successeurs &
hoirs, par la condemnation d’vn Pape, en signe d’amendise
d’vn forfait que les deuant dits d’Armignat auoient commis
contre l’Eglise ou temps dessusdit.
 
Le semblable se lit dans le mesme Autheur, eodem
vol. ch. 123. & au ch. 127. Feit-on commandement que
chacun ostast LES BANDES, comme ceux du lez du
Roy, & les Bourguignons la CROIX DE S. ANDRIEV.
Autre marque de la Croix-blanche dans Alain
Chartier, ad annum 1452. Pendant le siege de Bayonne
parut au Ciel vne CROIX-BLANCHE : lors (dit-il)
les babitans d’icelle ville osterent leurs Bannieres & Pennons
aux CROIX-ROVGES, disant qu’il plaisoit à
Dieu qu’ils sussent François, & portassent la CROIX-BLANCHE.
Donc, la Croix de France & d’Angleterre estoient
droittes, differentes par la seule couleur. Dans le