[retour à un affichage normal]

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.

Or, comme les choses plus hautes reçoiuent
changement par le temps, & par les humeurs des
hommes ; Ainsi que l’ORIFLAMME succeda à la
CHAPPE DE S. MARTIN : la CORNETTE-BLANCHE
a, par degrez, succedé à la BANNIERE parsemée
de Fleurs-de-Lis. Ie dy par degrez : Car, au rapport
de du Tillet, Eudes ayant esté esleu Roy pendant
la minorité de Charles, l’an 888. apporta en France la
Banniere semée de Fleurs-de-Lis : & dans l’Histoire
des Vrsins, sous l’an 1411. la Croix-blanche estoit
l’Enseigne du Roy. « Ils laisserent (dit-il) la CROIX
DROICTE BLANCHE, qui est la vraye Enseigne du Roy,
& prirent la CROIX DE S. ANDRÉ (à sçauoir les
Bourguignons.) » L’vsage ancien de ces deux Croix,
droicte, & de S. André, est tesmoigné par Oliuier
de la Marche, en l’Introduction de son Histoire, ch. 3.
Où parlant de la deffaite des Liegeois par Iean sans
Peur, Duc de Bourgongne : En ceste bataille, Iean Duc
de Bourgongne reprit la CROIX S. ANDRIEV, pour
Enseigne, laquelle les Bourguignons auoient laissié, depuis
que par succession la Seigneurie vint au Roy de France, &
porterent la CROIX DROICTE, tant que Philippes
le Hardy vescut, qui fut moult bon François : mais à ceste
Iournée il estoit trespassé, & reprit son fils la CROIX
S. ANDRIEV pour Enseigne. Et au chap. 5. parlant
de la prise du Liege par Charles Duc de Bourgongne,
assisté du Roy Louis XI. Le Roy de France porta la
CROIX DE S. ANDRIEV, en ce voyage de
Liege.
Croix droicte,
& croix
de S. André.
Exemple approchant de cestuy-cy, & notable, dans
Monstrelet, vol. 1. ch. 119. En laquelle armée on feit porter