[retour à un affichage normal]

Mazarinade n° D_1_1

Image de la page

Anonyme [1637], DES ANCIENNES ENSEIGNES ET ESTENDARTS DE FRANCE, DE LA CHAPPE DE S. MARTIN. De l’Office & Dignité du GRAND SENESCHAL, dit DAPIFER, qui portoit ceste Chappe aux batailles. DE L’ORIFLAMME OV ESTENDART DE S. DENYS. DE LA BANNIERE DE FRANCE: & CORNETTE BLANCHE. , français, latinRéférence RIM : Mx. Cote locale : D_1_1.

dit, que les Fleurs-de-Lis sans nombre, ont esté prises
par les Rois, iusques à Charles VI. qui les reduisit à
trois. La proposition est trop generale : I’ay veu des
patentes beaucoup plus anciennes que Charles VI.
auec trois Fleurs-de-Lis. I’ay veu le sceau de la Regence,
durant l’absence du Roy Philippes le Hardy en
Arragon, ayant d’vn coste vne Couronne, & de I’autre
costé trois Fleurs-de-Lis seulement. Ces sceaux
sont entiers à l’Archeuesché de Paris.
 
Ancienneré
des Fleurs-de-Lis.
Fleurs-de-Lis
ou nombre
de [illisible]
Matthieu, Abbé de S. Denys, & Simon Seigneur
de Nesle, Lieutenans pour le Roy, pendant son absence,
& voyage d’Arragon, auoient au mois de Iuillet
1285. expedié certaines patentes sous le sceau
Royal de cire iaune, à trois Fleurs-de-Lis, à double
lacs de soye rouge & verte. Ces lettres portent, In
cuius rei testimonium præsentes litreras sigillo Regio, quo
vtimur, fecimus sigillari. Philippes le Bel venu à la Couronne,
confirme ces patentes par autres d’vn sceau
separé de cire verte.
L’honneur de Regent au Royaume, n’a pas esté
particulier à Matthieu Abbé de S. Denys. L’Abbé
Sugger auoit esté honoré de semblable prerogatiue
sous le Roy Louis le Ieune, comme nous apprenons
de l’Histoire & des Epitres de Sugger mesmes, non
imprimées, qui sont pardeuers Monsieur Du Puy.
Entre les titres de S. Martin des Champs est vne
patente de l’an 1335. ayant en la face trois Fleurs-de-Lis,
& le contreseel auec pareil nombre. Ce qui nous
fait recognoistre, combien il est perilleux d’establir
des maximes generales ez choses esloignées de nostre
temps, & de nos yeux.