[retour à un affichage normal]

Accueil > recherche > Affichage d'une occurrence en contexte

Mazarinade n° C_1_42

Image de la page

Anonyme [1649], LE COVRIER EXTRAORDINAIRE, APPORTANT LES NOVVELLES de la Reception de Messieurs les Gens du Roy à S. Germain en Laye, & de celle du Courier d’Espagne au Palais ; AVEC TOVTES LES HARANGVES qui ont esté faites. , français, latinRéférence RIM : M0_827. Cote locale : C_1_42.


crimes, nous a rauy tout nostre bon-heur, mais nous esperons qu’il
nous redonnera auec vos Maiestez nostre tranquillité. Les Heraults
qui sont venus de vostre part à Paris, en ont fait naistre quelque esperance
dans nos cœurs ; & alors nous les auons regardez non pas
comme des personnes qui nous venoient annoncer la Guerre, mais
comme des Messagers de Paix. Neantmoins l’obeyssance que nous
auons consacrée en naissant à vos Maiestez, & que nous auons conseruée
iusques à present, nous a empesché de les escouter comme
Souuerains. Et l’integrité de nos vies, & la paix de nos consciences
nous a empesché de receuoir d’eux nostre condamnation, comme
criminels, mais nous sommes venus apporter à vos pieds nos sousmissions,
& receuoir vos volontez. Dans le refus de donner audience
à vos Heraults, vous pouuez seulement remarquer l’obeyssance
de vos subiets, qui la veulent porter dans le tombeau, & l’innocence
de nos conseils qui ne tendent qu’à asseurer vostre Couronne,
& la conseruer contre l’effort de nos ennemis au Roy nostre Sire.
MADAME, si vous nous les auez enuoyez comme à des Souuerains,
vous voyez nos respects, & comme nous reconnoissons que nostre
felicité consiste dans l’obeyssance dont nous venons asseurer vostre
Maiesté. Si vous les auez enuoyez vers nous comme à des criminels,
nous sommes venus comme subiets receuoir vos volontez & nostre
condamnation.
 
Ils acheuerent ces poroles auec la ioye de la Reyne qui les escouta
auec vne attention admirable, & ausquelles elles fit cette briefue
response.
Ie reçois auec affection le zele que vous auez pour le seruice du Roy,
comme fidelles subiets, ie prie le Parlement & Paris de le continuer, &
prouuer vostre discours par des effects qui soient dignes d’vn Roy affectionné
pour ses subiets.
Ces Messieurs sortirent de Sainct Germain auec cette responce,
fort contens, & le dix-neufiesme de ce mois en firent la relation au
Parlement. Ils ne furent pas si-tost entrez dans la grand Chambre,
que voila vn Courier d’Espagne qui demande audience, cela estonne
la Compagnie, on delibere sur ce suiet, & l’aspresdinée de ce iour dix-neufiesme
Feurier il entra dans la grand’Chambre, où Messieurs
estoient assemblez pour l’escouter. On remarqua qu’il alla iusques
au Parquet la teste couuerte, & estant interrogé de Monsieur le Premier
President, s’il auoit quelque chose à dire à la Cour, il respondit,
qu’il auoit des lettres à luy donner de la part de son Altesse l’Archiduc
Leopold, lesquelles Monsieur Payen Deslandes prit & fit la lecture
de ces mots.