[retour à un affichage normal]

Accueil > recherche > Affichage d'une occurrence en contexte

Mazarinade n° B_2_35

Image de la page

Anonyme [1652], LE CARACTERE DE LA ROYAVTE. ET DE LA TYRANNIE faisant voir PAR VN DISCOVRS POLITIQVE. I. Les Qualitez necessaires à vn Prince pour bien Gouuerner ses sujects. II. Les maux qui arriuent aux Peuples lors que les Souuerains sont incapables de les Gouuerner. , français, latinRéférence RIM : M0_631. Cote locale : B_2_35.


nom de Pieté excerce vne horrible tyrannie
sur la conscience de ses sujects. Ainsi Iules l’Apostat
vouloit despouiller les Chrestiens de
leurs biens par ce que l’Euangile nous enseigne
le mespris des richesses Charles Quint, faisoit
faire des Processions à Bruxelles pour le Pape
tandis que ses lieutenants le tenoient assiegé
dans Rome, & Henry second faisoit brusler
quelques vns de ses sujects protestants & enuoyoit
en Allemaigne des armées pour deffendre
les autres qui faisoit la guerre à son aduersaire.
 
Apres la prudence vient la Iustice qui est la
seconde Marque de la Royauté. Car comme
dit S. Augustin, les estats ne sont que brigandages
s’ils ne sont administrez par la Iustice quid
sunt regna nisi ingentia latrocinia nisi vbi adest
iustitia. Or comme toute la Iustice s’administre
soubs le nom du Prince aussi doit elle resider
en luy comme dans sa source & dans son Origine.
Le Prince n’a point de plus dangereux ennemis
que ceux que luy veulent faire croire
qu’il est par dessus les Loix, que tout ce qu’il
veut luy est permis & qu’il deuient équitable
des aussi tost qu’il le cõmande qu’il doit regner
par la force & que l’amour des peuples rend le
Throsne moins asseuré que la crainte. Ce sont