[retour à un affichage normal]

Mazarinade n° B_17_7

Image de la page

Anonyme [1649], LE BON BOVRGEOIS DE LA PARROISSE DES SAINCTS INNOCENS, A MESSIEVRS DE & cætera. , françaisRéférence RIM : M0_584. Cote locale : B_17_7.

Que les Curez & simples Prestres fussent autant que
les Euesques & Cardinaux ; Que les Mareschaux fissent
les Medecins, les Apoticaires les Escuyers, & les Nottaires
les Maistres d’escrime ; En vn mot, afin que tous Estats
depuis le plus grand iusques au plus petit, se ressentissent
de ma belle reformation ; ie serois d’aduis
que chacun changeant de robbe vos bons amys fussent
vendeurs de fuzils ou crieurs d’allumettes, & que les
Financiers ou autres Officiers payans eux-mesmes les
Tailles, les Laboureurs en fussent les Receueurs sans
rendre compte ; Ie voudrois aussi, & serois d’aduis, que
les vallets deuinssent Maistre, ou qu’au moins pour enrichir
la table les Secretaires d’Estat se contentassent
d’estre Marguilliers des Parroisses ; Ne seroit ce pas là
vne reformation digne d’vn braue Iurisconsulte &
aussi bien entendu à la Politique que Dame Guillemette
ma grand’mere.
 
Or laissant toute raillerie à part, & vous donnant
tousiours vne meure entre deux vertes ; Où en serions-nous,
Messieurs, si le Roy estimoit vne fois Paris indigne
de son sejour & que nous plantans là pour reuerdir
il allast asseoir sa Cour ailleurs, ou que raccourcissant
& reformant iusques aux fesses la robbe des Procureurs
& Aduocats, il establit vn Parlement à &c. &
vn autre à &c. pour le soulagement des pauures Plaidans
qui viennent de cent lieuës loin pour solliciter vn
procez de triquenique Ceux qui seroient cause de l’Eclypse
du Soleil qui fait esclorre les roses & les tulippes
de nos iardins seroient-ils mieux pour cela aux bonnes
graces des Parisiens, ains plustost ne les maudiroient-ils
pas comme herbes ameres ? Que deuiendroient les