[retour à un affichage normal]

Accueil > recherche > Affichage d'une occurrence en contexte

Mazarinade n° B_16_4

Image de la page

Anonyme [1652], LA VOIX DE PEVPLE AV ROY, Pour la Paix Generale. , françaisRéférence RIM : M0_4058. Cote locale : B_16_4.


qu’il auroit mieux aymé estre son cheual, que son seruiteur.
Certes il auoit raison, l’on voit ses cheuaux gras, potelez,
& en bon poinct, pendant que ceux qui seruent à
le nourrir par leurs contributions, meurent de faim, & ne
sont que des squelettes viuantes. SIRE, la plus part de
vos Sujets meurent faute de nourriture, & par vn manquement
de toutes choses, pour auoir nourrir, & pour
engraisser vn Estranger, vn auare, & vne personne d’angereuse
à l’Estat.
 
Diogene.
Quoy, le Cardinal Mazarin ne sçait il pas la cause de
l’emprisonnement de Caliphe, Roy de Perse, par Allau,
Roy des Tartares, dans la Tour mesme qu’il auoit rem
plie d’or, de joyaux, & de pierres precieuses, ne sçait il pas
que c’est pour n’auoir pas payé ses Soldats, lesquels se
voyans sans recompense & salaire de leurs trauaux passez,
le quitterent & l’abandonnerent entre les mains de son
ennemy. SIRE, nous pourions reuoir aujourd’huy cét
exemple representée par les troupes du Card. Mazarin,
si vostre authorité & le bonheur de paroistre vous rendre
seruice ne les retenoit, nous les verrions quitter le party
de cét auaricieux, & prendre celuy qui est veritablement
le vostre, parce qu’il est authorisé de la Iustice, & parce
qu’il est pour vous maintenir dans la dignité Royale, d’où
ce mecanique veut vous débusquer & deposseder.
Caliphe
Roy de Perse,
emprisonné
par
Allau Roy
des Tartares.
L’on condamnoit autrefois Caligula Empereur, de
ce qu’il auoit mis dace sur l’vrine ; mais celuy cy, pour
nourrir ses Soldats, met des imposts & des rançons sur la
vie des hommes. C’est vne chose estrange, que ce que
Dieu nous a donné, & sans qui nous ne pouuons pas estre,
qu’il faille que nous soyons contrains de le rachepter plusieurs
fois, & que l’on fasse payer l’entrée de l’air que nous
respirons. L’on sçait fort bien qu’il y a eu de ses gens qui
ont pris des hommes, lesquels n’ayant pas le moyen de