[retour à un affichage normal]

Accueil > recherche > Affichage d'une occurrence en contexte

Mazarinade n° C_10_49

Image de la page

Anonyme [1649], LA VIE, MOEVRS, ET GENEALOGIE DE IVLES MAZARIN, CARDINAL. OV SE VOIENT LES BANQVEROVTES de son pere, les trahisons par luy faites tant aux Saincts Peres, au Roy d’Espagne, qu’à l’Empereur, & à present les troubles en France; & par Arrest du 8. Ianuier declaré Perturbateur du repos public, ennemy du Roy & de l’Estat, & sa poursuitte secrette contre Messeigneurs de Vendosme & de Beaufort. Iouxte sur la Coppie imprimée. , françaisRéférence RIM : M0_4027. Cote locale : C_10_49.


refusa au Roy le Chappeau de Cardinal, disant que
s’il plaisoit à sa Majesté nommer quelqu’vn de ses subjects
ou autre personne, qu’il luy accorderoit volontiers,
mais non pas pour Iules Mazarin, qui estoit seule
cause des sanglantes guerres de toute l’Europe. Neantmoins
sa Majesté pria derechef sa saincteté auec grande
instance. Iules fit si bien en sorte, que le Roy prit cette
affaire si à cœur, que le Pape fut contraint de luy accorder,
& fut appellé au Cardinalat : & pour ne point faire
tort au Roy Catholique, & ne voulant estre en mauuaise
grace auec luy, auquel il auoit refusé la mesme
chose pour Contalco, il luy accorda pareillement, &
fut aussi appellé au Cardinalat, & en excluds le sieur
Visconty, auquel il l’auoit auparauant refusé luy ayant
esté demandée par la Couronne de Pologne.
 
Tout cecy a succedé la mort du Cardinal de Richelieu,
apres laquelle il l’a commandé en sa place, au
grand detriment du Royaume, ayant esté recommandé
à sa Majesté par le feu Cardinal, elle le fit son Conseiller
d’Estat, dont il y en eut beaucoup qui conceurent
grande haine contre luy : En peu de temps ce Cardinal
est deuenu si riche & si opulant, qu’il s’estime
auoir plus d’or & d’argent qu’aucun Seigneur de l’Europe :
il l’a bien fait voir aux plus grands de Rome,
quand il a acheté le fameux Palais du deffunct Cardinal
Bentiuoglio, scitué au monté Cauallo, pendant
la vie du deffunct Pape Vrbain, & qu’en suitte il a
demandé plusieurs fois permission à sa Majesté, de rerourner
à Rome pour prendre le Chappeau de Cardinal,
ce que le Roy ne luy voulut permettre à cause que