[retour à un affichage normal]

Accueil > recherche > Affichage d'une occurrence en contexte

Mazarinade n° C_10_47

Image de la page

Anonyme [1649], LA VICTOIRE DE PALLAS, ET LE TRIOMPHE DES MVSES. , françaisRéférence RIM : M0_4024. Cote locale : C_10_47.


que d’excellence : Comment pourrions
nous connoistre les proprietés, les sympathies,
les antipathies des choses creés & sublunaires,
non plus que les mouuemens, les periodes, les
influences des Cieux sans les Autheurs qui en
ont escrit, & bien qu’ils ne s’accordent pas
tous dans vne mesme opinion, nous leur sommes
tousiours obligez de nous auoir donné
d’assez amples matieres pour en pouuoir discourir
auec satisfaction. Comment aussi pourrions-nous
sçauoir l’estenduë de l’Vniuers, les
bornes des Empires, la vie des Rois, leurs conquestes,
leurs victoires, les limites de leur domination,
les mœurs, les coustumes, les viandes,
les loix, leur façon d’habillemens, leur
Religiõ, leurs ceremonies, leurs exercices, sinõ
par l’organe de ceux qui en ont escrit, & qui
ont frequenté ces pays. Nos plus habilles Medecins
seroient peut estre ignorans sans les
Liures Dypocrate & de Gallien : Nos plus
grands Iurisconsuls auroient peine à resoudre
d’vn poinct de Droict sans la connoissance de
Cujas : Et les vns comme les autres, ne sont
pas estimés s’ils ne sçauent les Aphorismes, ou
les maximes de ces Autheurs. Les Arts mesme
bien que mecaniques doiuent leur perfection