[retour à un affichage normal]

Mazarinade n° B_17_27

Image de la page

Anonyme [1652], LA VERITÉ, PARLANTE AVEC liberté, sur l’Estat present. I. Sur la corruption de tous les Ordres & Loix du Royaume, dans le Ministere du Cardinal Mazarin. II. Sur les mal-heurs que la France à soufferts par sa tyrannie. III. Sur les moyens de preuenir à l’aduenir le Gouuernement des Estrangers. IV. Et pour pourueoir à la Regence durant la Minorité & le bas-aage de nos Rois. , françaisRéférence RIM : M0_3997. Cote locale : B_17_27.

de toute la disposition des Loix Saliques, composée
par ces quatre anciens Iurisconsultes
François Visogast, a esté tousiours opiniastrement
obseruée par les François, deffenduë par
armes & par voix ; Dieu mesme semble l’auoir
approuuée, lors qu’aux François il a donné miraculeusement
pour armes les fleurs de Lys : veu
que par son Fils, il nous a dit, que les Lys ne
filent point & ne trauaillent point, qui sont les
deux principales marques de nos Rois : l’vne
qu’ils soient Masles, l’autre qu’ils soient Nobles :
les Nobles ne trauaillent point, les Masles ne
filent point, iamais le Royaume ne peut tomber
en quenoüille ny en autre main, sinon de la
tres-noble & tres-illustre famille de nos Rois de
France.
 
Semble encore que Dieu par le iugement de
sa Prouidence ayt voulu confirmer cette Loy du
Royaume à la premiere fois qu’elle fut enfrainte.
Clouis seul Roy de tous les François, laissant
quatre fils tous capables de la Couronne, & vne
fille, laquelle fut mariée au Roy de Hongrie, à
present Brabant & le Liege : Le Royaume des
François fut partagé entre les quatre fils, la fille
n’eust aucune part : elle s’en voulut plaindre, &
persuada le Roy son mary de faire la guerre à
Theodoric Roy d’Austrasie son frere, adioûtant
que son frere estoit né d’vne femme espousée