Mazarinade n° B_12_48
Image de la page
Anonyme [1652], LA VERITÉ DE CE QVI S’EST passé à Paris en trois fascheuses rencontres. CONTRE LES IMPOSTVRES
contenuës en la Lettre Mazarine, du Bourgeois
desinteressé. AVEC LA RESPONSE A LA LETTRE
escrite par le Cardinal Mazarin, sous le nom du
Roy, au Parlement de Roüen. , françaisRéférence RIM : M0_3986. Cote locale : B_12_48.
de mentir quatre fois sur vn seul Article. Premierement lors qu’il
dit que les Bourgeois de Paris refuserent les Portes aux troupes
des Princes, & ne branlerent point.
Il est constant que deuant le combat les Princes ne firent aucune
instance, pour faire passer leur Armée au trauers de la Ville,
ayans iugé que cela pouuoit causer plus de bruit que de bien, iusques
à ce qu’ils se trouuerent pressez de demander le passage qui
fut aussi-tost accordé à Mademoiselle,
Qui dans le corps bien fait d’vne fille Royale,
a l’ame d’vn grand Roy.
Elle obtint aussi la retraite des troupes dans les Faux-bourgs, s’il
estoit necessaire.
En second lieu, ou on se trompe, ou on nous veut tromper, lors
qu’on assure, que iamais le Bourgeois ne bransla, estant vray que sans
attendre aucun ordre de la Maison de Ville, ny des Colonels des
quartiers, vne bonne partie des plus courageux Citoyens prirent les
armes pour sortir contre ceux qu’ils appellent Mazarins, & qu’ils
coururent sur le Bouleuart de sainct Antoine, se presentent en foule
à la Porte, & remplirent la Place Royale, où ils attendoient le commandement,
& la conduite du Duc de Beaufort, auquel ils ont toûjours
eu vne entiere confiance.
En troisiéme lieu, il n’est pas vray que ce Prince se soit tourmenté
& debatu, ny qu’il aye couru les ruës sans chapeau, pour
émouuoir les Bourgeois, & les appeller à son secours, ny comme
dit cét impudent Escriuain, qu’il leur fit des reproches, en disant
le Prince perit, Mazarin triomphe, & qu’on luy témoigna beaucoup
de froideur. Le Duc en cette occasion, fit plustost le deuoir
de hardy Soldat, que l’Office d’vn Trompette. Il estoit dans le
Champ de Bataille, non dans les ruës de Paris : Il ne se presenta
qu’vne fois à la Porte, pour faire passer le reste des troupes, & se
mettre à la teste des Bourgeois, qui se pressoient pour le suiure.
4. Le Bourgeois desinteressé deshonore les Parisiens, lors qu’il
les descrit comme des poltrons, disant en vn lieu qu’ils ont plustost
abandonné qu’ouuert leurs Portes : & en vn autre endroit qu’ils ont
tourné le dos au Duc de Beaufort, & ailleurs : qu’hors de leur Ban-lieuë
ils sont tres-mauuais Soldats. Tout cela est si peu veritable, que nous
pouuons dire des bons Bourgeois, qu’ils voyoient passer auec joye
les troupes des Princes ; que si quelqu’vn eust entrepris de si opposer,
ou de leur faire le moindre déplaisir, il eust trouué la fin
de sa vie sous le nom de Mazarin : Que la multitude de ceux qui
Image de la page