[retour à un affichage normal]

Accueil > recherche > Affichage d'une occurrence en contexte

Mazarinade n° C_4_37

Image de la page

Anonyme [1649 [?]], LA GVERRE BVRLESQVE OU L’INIVSTICE TERRASSÉE AVX PIEDS DE MONSIEVR DE BEAVFORT. , françaisRéférence RIM : M0_1521. Cote locale : C_4_37.



Qui sçait tout le nouueau grimoire
Aussi bien que nous sçauons boire,
Le second ne luy cede rien
Si tu le voi ainsi chagrin,
C’est qu’il ne bouge d vne place
Le Bourgeois & la populace,
Craignent fort vne trahison
Pour le loyer de ta maison,
Comme pour celui de ma chambre
N’est-il pas juste d’en pretendre,
Moitié de diminution
Cela est mon intention,
Depuis le bruict du boute-celle
Mon cul n’a pas fait vne scelle,
Eole est logé dans mon corps
Qui ne fait rien que des accords,
C’est de l’epargne pour ton hoste
Nous fismes vne grande faute,
De n’aller pas à sainct Germain,
Mais quoi c’estoit le lendemain,
D’vne solemnelle Frairie
L’on estoit dans la resuerie,
Ceux qui ne veulle point de bois
Auoient choisi le iour des Rois,
Pour détruire ceux qui s’en serue
Prians Dieu qu’il nous en conserue,
Et que ce Iulle Italien
Ne soit pas le nœud gordien,
Qui autrefois fit tant de peine
Leur esperance sera veine,
Nostre Alexandre est assez fort
I’entends de Monsieur Beaufort,
Il fera joüer Iean farine
Malgré le grand maistre & sa mine,
Et puis ny à rien de perdu
Que si Mazarin n’est pendu,