[retour à un affichage normal]

Accueil > recherche > Affichage d'une occurrence en contexte

Mazarinade n° C_7_8

Image de la page

Anonyme [1649], DECLARATION SVR LE SVIET, ET LA FORME DE L’ENTREE DE SON Asse. IMPERIALE L’ARCHIDVC LEOPOLD EN FRANCE, ET DE SA RETRAITTE, Apres l’Accommodement, fait entre la Regence & le Parlement de Paris, auec les Princes & Seigneurs Associez. , françaisRéférence RIM : M0_958. Cote locale : C_7_8.


les armes de la France detiennent dans les Pais-Bas,
quoy que bien aduertie du peu de resistance qu’elles
auroient pû faire ; pour estre défournies d’hommes,
& de munitions, & hors d’espoir de se voir
secouruës, tant elle apprehendoit d’alterer les bonnes
dispositions que le dit Parlement, auec les Princes,
Grands, & Officiers y joints, luy asseuroient
estre de leur costé : & vouloir conduire à vn prõpt
effet, touchant la pacification & repos reciproque
des deux Couronnes. Faisant aussi garder vne si
exacte discipline entre les gẽs de guerre, que de leur
marche, & conduite dans la France, n’en est resulté
que profit, & aduantage, à tous les lieux de leur
passage & seiour, ainsi qu’il est notoire à vn chacun ;
Apres que son Altesse ayant sceu, que par le
moyen de son approche, & la diuersion, qu’elle
auoit causée, la Ville Capitale du Royaume se
trouuoit soulagée de la necessité, où elle estoit reduitte
auparauant, & que le Parlement en suitte
auoit fauorablement traitté pour Soy & ses Associez.
Encore que les loix fondamentales dudit
Royaume, & l’authorité d’vne telle Compagnie,
à qui la conseruation desdites loix en est confiée
ne peust estre blessée ; Elle se seroit retirée auec le
mesme ordre, qu’elle estoit venuë, sans laisser n’y a
l’entrée, n’y a la sortie aucunes marques d’hostilité ;
mais celles seulement de la generosite & grandeur
de sa Majesté, & si vtile à toutes les principales parties
dudit Royaume, que la gloire & consolation