[retour à un affichage normal]

Accueil > recherche > Affichage d'une occurrence en contexte

Mazarinade n° B_14_38

Image de la page

Voysin [signé] [1649], ADVERTISSEMENT TRES-IMPORTANT ET TRES VTILE AV PVBLIC, Touchant le retour du sieur d’Emery auec L’ARREST DE LA COVR CONTRE IEAN PARTICELLY, BANQVEROVTIER & faulsaire & autres complices du 9. Auril 1620. , françaisRéférence RIM : M0_462. Cote locale : B_14_38.


d’eux condamné en vingt cinq liures d’amende enuers
le Roy, & pareille somme pour le pain des pauures
prisonniers, outre ledit Iean de Meaux condamné
és despens de la procedure pour son regard enuers
lesdits Chiarity, & faisant droict sur l’accusation contre
ledit Piny, auroit pareillement esté condamné pour
les cas resultans dudit procez, faire amende honorable,
teste & pieds nuds en chemise, la hard au col, tenant
vne torche ardente en main du poids de trois
liures, tant en ladite Auditoire les plaids tenans, qu’en
ladite place des changes à l’heure d’icelle, là dire &
declarer à genoux que malicieusement il auoit supprimé
aucuns de ses papiers & comptes, diuerty &
conuerty à son profit aucuns des effects dudit Iean
Particelly & ses creanciers, s’en repentiroit, crieroit
mercy à Dieu, au Roy & à Iustice, & ce où apprehendé
pourroit estre, sinon par effigie en ladite place du
change par l’executeur de la haute iustice à vne potence,
au bas de laquelle effigie seroient escrit en gros
carracteres son nom, & les mots de sa declaration, seroient
toutes les pieces de magie & membrannes, cottées
numero neuf, de l’inuentaire des papiers sur luy
saisis & rapportez par Chadel Huissier, iettez au feu,
à cette fin allumé deuant ladite potence par ledit Executeur
de la haute Iustice, En vingt cinq liures d’amende
enuers le Roy, & aumosner vingt cinq liures à
l’aumosne generale dudit Lyon, & és despens dommages
& interests desdits deputez, & despens de la
procedure pour son regard, & tenir prison fermée si
apprehendé pouuoit estre, iusques à l’actuel payement
des sommes de deniers, dont seroit trouué reliquataire
pour le soulde de son compte, seroit ledit Pierre
Petitot mandé en l’Auditoire, blasmé & repris pour
les cas resultans du procez contre luy fait, defence de