[retour à un affichage normal]

Accueil > recherche > Affichage d'une occurrence en contexte

Mazarinade n° B_14_38

Image de la page

Voysin [signé] [1649], ADVERTISSEMENT TRES-IMPORTANT ET TRES VTILE AV PVBLIC, Touchant le retour du sieur d’Emery auec L’ARREST DE LA COVR CONTRE IEAN PARTICELLY, BANQVEROVTIER & faulsaire & autres complices du 9. Auril 1620. , françaisRéférence RIM : M0_462. Cote locale : B_14_38.


en ce que par ladite sentence, est dit que les espices
du procez seroient prises sur la masse des creancier :
par laquelle sans s’arrester audit contract d’accord
d’entre ledit Iean Particelly & la pluralité pretenduë
de sesdits creanciers, lequel contract auroit
esté declaré nul, cassé & reuoqué, ledit Iean Particelly
pour les cas resultans du procez, condamné faire amende
honorable en l’auditoire de ladite conseruation les
plaids tenans, pieds & teste nuds en chemise, la hard
au col, portant vne torche ardente en main du poids
de trois liures, & vn escriteau deuant & derriere, auquel
seroient escrits ces mots : Banqueroutier frauduleux,
& là estant à genoux, dire & declarer qu’il auoit fait
banqueroute en fraude de ses creanciers, malicieusement
& faussement fabriqué ou fait fabriquer, &
bailler audit Martin Chiarity la cedule soubscripte,
Michel Particelly, dont s’agissoit audit procez, s’en repentiroit,
crieroit mercy à Dieu, au Roy & à Iustice,
de là estre conduit en la place des Changes, & deuant
la loge d’icelle place, faire pareille amende honorable
& declaration, & apres appliqué au carquant &
pilory qui y seroit à cette fin dressé, pour y demeurer
depuis vnze heures du matin iusques à vne heure
de releuée : ce fait ramené esdites prisons pour y estre
iusques à l’entiere satisfaction de ses debtes, tant en
principal que despens, dommages & interests, & ledit
Iean de meaux condamné à assister ledit Particelly
teste nuë & à genoux pendant lesdites amendes honorables
& declarations, la teste nuë pendant ladite
application audit pillory, auec defences audit de
Meaux de recidiuer à peine de la hard. Que la fausse
cedule seroit laceree par le Greffier en l’auditoire
apres ladite amende honorable, & ce en presence
desdits Iean Particelly & Iean de Meaux, & chacun