[retour à un affichage normal]

Mazarinade n° C_9_68

Image de la page

Vandôme, François de [signé] [1649], DERNIERE REQVESTE PRESENTEE A NOSSEIGNEVRS DE PARLEMENT PAR MONSEIGNEVR LE DVC DE BEAVFORT, AVANT LE IVGEMENT DE la calomnieuse accusation intentée par le Cardinal IVLLES MAZARIN. , françaisRéférence RIM : M0_1025. Cote locale : C_9_68.

avantageux qui luy sont acquis par son extraction, de
plusieurs Monarques & Souuerains. Le cours de sa
poursuitte bien avancée a esté interrompu par l’enuie
& violence du Cardinal Mazarin, lequel quoy
qu’Estranger, & d’origine odieuse à la France, & suspecte
à toutes les Nations, vsurpant le pouuoir & les
fonctions de premier Ministre d’Estat, au prejudice
des Loix fondamentales d’iceluy, & des Arrests du
Parlement, qui ont exclud de tels emplois tous ceux
qui ne sont pas nez subjets du Roy ; Et se declarant
Ennemy de la maison de Vendosme, a fait arrester
ledit Suppliant, & traduire prisonnier au Chasteau de
Vincennes, où il l’a detenu par l’espace de quatre
ans & neuf mois : durant lesquels il n’a peu
auoir connoissance du pretexte de cette oppression.
Et enfin ne voyant point de Iuges, & n’ayant aucun
accez à la Iustice, il s’est genereusement retiré par son
innocence & son adresse hors de cette languissante
captiuité, pour à l’exemple de ses valeureux Ancestres
se rendre present à l’occasion qui luy pourroit arriuer,
d’entrer par la force de son courage & de ses armes,
en quelque place en laquelle son secours seroit vtile.
 
Aussi-tost apres la conqueste de sa liberté, ayant
rendu ses tres-humbles devoirs à leurs Majestez par
lettres qu’il leur a écrites, le Cardinal Mazarin, par
ses suppositions & artifices, les dissuadant de le receuoir
à s’en acquiter en personne, ses principaux soins
ont esté de s’éclaircir de ce qui auroit esté fait touchant