[retour à un affichage normal]

Accueil > recherche > Affichage d'une occurrence en contexte

Mazarinade n° A_4_26

Image de la page

Talon, Omer [1649], HARANGVE FAITE AV ROY PAR MONSIEVR TALON SON ADVOCAT GENERAL AV PARLEMENT DE PARIS. , françaisRéférence RIM : M0_1598. Cote locale : A_4_26.


que pour deliberer auec cette Compagnie
de quelques affaires importantes à
leur Estat, soit qu’il fust question de declarer
la guerre aux ennemis de la Couronne,
soit qu’il fust à propos de conclure
la paix pour le soulagement de leurs
peuples : mais auiourd’huy vostre Maiesté
y vient auec esclat, auec bruit, &
auec terreur & son de trompette. Autrefois
il estoit permis en ce Parlement de
contredire aux Roys, & de dire auec verité,
SIRE, cela n’est pas iuste, Mais auiourd’huy
par vn desordre dans la morale,
& vne illusion dans la polytique,
l’on apporte des Edicts tous dressez, dont
l’on est bien asseuré de la verification
qui s’en doit ensuiure. Autrefois cette
Cour a resisté au Roy François I aagé
de trente ans, sur quelques leuées qu’il
vouloit faire sur son peuple, & à present
l’on n’ose rien refuser à vostre Maiesté
mesmes pendant sa minorité.
 
L’on nous dit qu’il n’est point facile
de conclure la paix auec les ennemis,
qu’il est plus aisé de les forcer par les armes