[retour à un affichage normal]

Mazarinade n° D_1_17

Image de la page

Silhon [?] [1650], AVIS AVX FLAMENS. Sur le Traité que les Espagnols ont fait auec la Duchesse de Longueuille, & le Mareschal de Turenne. , françaisRéférence RIM : M0_485. Cote locale : D_1_17.

auant cela ; proceda de la guerre qu’il fut forcé par les Espagnols
de faire au Duc de Mantoüe, Que l’empeschement
que Leganez apporta à la Paix, qui estoit aux termes de les
conclurre, fût suiuy de la defection de la Catalogne & du
Portugal, qui ne seroit point arriué, si la Paix eût esté concluë.
Que les Espagnols n’eussent point perdu le Roussillon,
ny tout ce qu’ils ont depuis perdu en Flandres & en Italie, s’il
ne l’eussent rebutée en vne autre occasion, ou ils esperoient
de profiter de nos broüilleries.
 
Prenez garde que quelque chose de plus funeste, ne suiue la
resolution la plus contraire à la Paix, qu’ils ayent encore prise.
La France n’est pas si malade qu’on vous l’a dépeint. L’Espagne
l’est bien dauantage, & a beaucoup plus mauuais jeu,
bien qu’elle fasse meilleur mine. Son mal ressemble à celuy
qui mine lentement vn corps, & qui l’affoiblit tous les iours,
quoy que sans violence qui paroisse. Celuy de l’autre est semblable
à ces cathertes impetueux, qui tombans en vn corps
sain & robuste, y font des rauages fort sensibles : mais qui
estans passez luy laissent sa premiere force.
Il s’est fait à la verité vne grande émotion dans ce Royaume,
par les troubles intestins qui l’ont agité, Mais ces troubles
n’ont eü ni guerre de durée, ni beaucoup alteré les principes
de sa bonne constitution. Ce qui reste de ces mouuemens s’escoulera
bien-tost (comme nous l’auons designé) & la force
ou la raison, y rameneront les choses au poinct où elles y doiuent
estre. Le desordre qui est arriué aux finances, a plus empesché
les sources où elles se puisoient, de couler ; qu’il ne
les a épuisées L’abondance d’argent n’y est que cachée, & y
est aussi grande qu’elle ait jamais esté. Elle se manifestera auec
le temps, n’en doutez point, & il luy arriuera le mesme qu’à
certains fleuues qui s’enseuelissans dans la terre ; en ressortent
aussi rapides & aussi gros, qu’ils estoient auant d’y entrer.
Et neantmoins en cét estat où la continuation de la guerre
luy peut promettre beaucoup ; La France desire la Paix, & en
a fait toutes les auances qu’elle a pû faire auec honneur : Et
l’Espagne qui n’a point les mesmes resources & les mesmes
auantages qu’elle ; n’en veut point oüir parler : s’est dedite du
lieu d’assemblée qu’elle auoit choisy pour la traiter : a sait rappeller