[retour à un affichage normal]

Accueil > recherche > Affichage d'une occurrence en contexte

Mazarinade n° C_7_5

Image de la page

Anonyme [1649], DECLARATION DV ROY, PORTANT INTERDICTION de la Cour de Parlement de Bordeaux. Du douziesme Iuillet 1649. , françaisRéférence RIM : M0_929. Cote locale : C_7_5.


les Souuerains, ils ont reuoqué l’establissement
de la Cour des Aydes, leur interdisant
la fonction de leurs charges, comme s’ils
auoient le pouuoir de disposer de nostre puissance,
& d’abolir ce qui a esté si iustement ordonné
par le Roy defunct nostre tres-honoré
Seigneur & Pere, & suprimé des Officiers qui
ont exercé leurs charges pendant vingt années
sous nostre authorité, à laquelle seule appartient
la creation, & suppressiõ des Offices.
Il ne faut pas trouuer estrãge toutes les actiõs
déreiglées de cette Cõpagnie lors qu’ils ont
ouuertement entrepris d’vsurper vn pouuoir
qui n’appartient qu’aux Roys seuls. Aussi leur
conduite s’est portée à cet excez, qu’apres s’estre
asseurez des esprits des peuples par les
descharges des impositions qu’ils leur auoiẽt
donnees, ils les ont portez à prendre les armes
sous les commandemens de Chambaret leur
General, & voyant que nostre dit Oncle le
Duc d’Espernon, auoir fait esloigner nos forces,
sous l’asseurance qu’ils auoient donnée de
mettre les armes bas, de faire cesser tous actes
d’hostilité : Ils firẽt sortir leurs troupes de Bordeaux
sous le commandement dudit Chambaret
assisté de cinq Conseillers par l’ordre