[retour à un affichage normal]

Accueil > recherche > Affichage d'une occurrence en contexte

Mazarinade n° B_15_41

Image de la page

P. D. B. D. P. [signé] [1652], HARANGVE EN PROVERBES, FAITE A LA REINE, Par vn notable Bourgeois de la Ville Royale de Pontoise, deux iours auant le depart de Mazarin. Pour obliger cette Princesse à consentir à son esloignement, par les raisons cy-apres deduites. , françaisRéférence RIM : M0_1562. Cote locale : B_15_41.


feroit iustice de le ietter auec vne pierre au col à
vau l’eau. Ie sçay bien que lors qu’on veut noyer
son chien, on dit qu’il est enragé, & que lors
qu’vn mastin se noye, tout le monde luy foule
sur la teste : mais cependant il est certain qu’on
ne fait point de feu sans fumée, qu’il en ira
par le pendant, & que la voix du peuple est celle
de Dieu, outre qu’à l’œuure on voit l’ouurier,
& qu’il est encor à naistre, qui peut dire vne
bonne action que iamais il ait faite. Ainsi ie ne
puis croire que ce soient des charitez qu’on luy
preste, voyant qu’on ne parle que de ses fourbes
& de ses meschancetez, que tout le monde
en a les barbes ointes, & chante vne mesme
chanson, que les petits enfans en vont à la moustarde,
& que qui n’y peut atteindre y ruë, si
bien qu’il n’est pas de bonne heure né, qui ne
luy donne quelque estocade en passant. Sans
mentir les oreilles luy doiuent bien corner, puis
qu’il fait plus parler de luy que le grand Camp
de Tartarie, & qu’on luy donne plus de maledictions
qu’il n’a de cheueux au derriere de la
teste : de sorte que si elles valoient pistoles, il
seroit bien-tost plus riche cent fois qu’il n’est,
apres nous auoir volez depuis les pieds iusqu’à
la teste, & nous auoir rendus plus pauures que
Iob. C’est pourtant vn bon Ministre, il s’entend
à gouuerner vn Estat comme à ramer des