[retour à un affichage normal]

Accueil > recherche > Affichage d'une occurrence en contexte

Mazarinade n° A_2_39

Image de la page

Anonyme [1649], DECADANCE DE L’INIVSTE PARTI DES MAZARINS refugiez à S. Germain, & leurs PERNISIEVX DESSEINS auortez, par la conclusion DE LA PAIX. , françaisRéférence RIM : M0_864. Cote locale : A_2_39.


hommes furent veus sous les armes : ce fut pour la
conseruation de la ville : mais pour se rendre aussi
forts à la campagne, on leua dans Paris mesme vne
armée de vingt mil hommes de caualerie & infanterie,
pour faires des sorties, ouurir les passages bouchez,
& faire venir du pain en la ville, qu’on s’efforçoit
par toutes sortes de moyens d’affamer.
 
Tandis les Partisans du Cardinal Tyran, le plus insigne
voleur de toute la terre, à qui vn aueuglement
& égarement d’esprit, ne promettoient pas de considerer
les forces de Paris, commençoient à non pas
seulement esperer, mais à s’asseurer de bastir chacun
en son particuliere de hautes, & de grandes fortunes
de la ruyne, & destruction d’vne florissante Cité,
qu’ils auoient resolu de reduire en cendre, pour rendre
sa ruine aussi fameuse que celle de l’ancienne
Troye qui fut bruslée par les Grecs. Comme la colere,
la fureur, & la rage, ont cela de propre, de ne paroistre
iamais plus agreables à ceux qu’elles possedent,
que lors qu’elles leur ostent l’vsage de la raison,
aussi ne trouuent elles rien de plus doux, ny de plus
juste au gré de leur mains, que la vangeance, ny rien
de plus genereux que les effets que produisent le ressentiment,
& a violence.
C’est ce qui fut cause, que pour s’enrichir bien-tost
des dépouïlles de la ruine de Paris, ces boutefeux
firent de nouueaux efforts pour saccager tout le pays
d’alentour de cette ville affligée, & presque affamée
afin que luy ostant les moyens de subsister, ils la
pussent reduire à telle extremité, & l’auguste Senat